دافع إيهاب محمود، زوج المطربة شاهيناز ضياء، عن نفسه، عقب اتهامها له بالإعتداء عليها بالضرب، والتي أثارت بها الجدل وتصدر اسم شاهيناز ضياء التريند، وكتب زوجها عبر صفحته الشخصية على الفيسبوك: "شكرًا لكل حد شتم فيا وفي والدتي انتو شايفين نص الحقيقة بس محدش شاف إيه اللي حصل وإزاي، بيتبلو عليا هي ووالدتها، أنا هرد علشان الكل يعرف إني مش متربي على ده في كلام وكواليس وأنا مش هتكلم على أم ابني وأشهر بيها زي ما شهرت بيا ومعايا أدلة وورق على كل الكلام ده يثبت صحة كلامي وحسبي الله ونعم الوكيل في الضرر اللي سببوه لأهلي وليا".
وأضاف: "بكرا إن شاء الله هطلع أرد بفيديو ومستندات وورق والناس هتعرف مين ظالم ومين مظلوم ومحدش يتكلم في حاجة ميعرفهاش، الصورة بتبين نص الحقيقة مع احتفاظي بحاجات مينفعش تطلع لأني مش هشهر بأم ابني ولا هقول حاجة تجرح ابني لأني أتربيت على الأصول، أما ينزل الفيديو كله هيعرف إني مجتش على حد ومحدش برده يعرف الحقيقة لأنها مجرد صور وحقيقة مش كاملة".
جدير بالذكر، أن شاهيناز ضياء، أعلنت عبر حسابها بموقع "فيسبوك"، بأنها تعرضت للضرب من قبل زوجها، ونشرت صورا لها تظهر بها آثار الضرب والدماء تلطخ وجهها، وكتبت: "حسبي الله ونعم الوكيل فيك يا إيهاب يا ابن باهرة ضربني وبهدلني انا وامي ومش عايز يديني ابني ليا ربنا يجيبلي حقي".
تابعوا آخر أهل مصر على Google News
