حرص الشاعر الغنائي بهاء الدين محمد على الدفاع عن الفنانة شيرين عبد الوهاب بعد أزمتها الأخيرة التي تسببت فيها جملة :"اللي بيتكلم في مصر بيتسحن"، خلال إحيائها حفلاً غنائياً بالبحرين، وهو ما أعتبره البعض إساءة لمصر، وكتب "بهاء"، عبر صفحته الرسمية على موقع التواصل الاجتماعي "فيس بوك"، قائلاً: " أنا عارف طريقة وتفكير شيرين وواثق إنها ماكانتش تقصد بالسجن "سياسة خالص"، وأكبر دليل على إنها لا تملك خبرة التوصيل أو التوضيح إنها مش عارفه لحد النهاردة تقول اللى باقوله ده، وأقسم بالله إننا لا إتكلمنا ولا شوفنا بعض من سنين .
واضاف المهم ياشيرين أسكتى وغنى بس ده أنا اللى الحمدلله أملك أدوات الكلام بكل تمكن مانع نفسى بل رافض تماما أى حوار فى أى جهة إعلامية رفض تام لأن دورى أكتب فقط وكلامى هو أنا وغلط الفنان يتكلم أصلا غير بحساب .
أزمة شيرين عبد الوهاب
وتابع معلش بنت بلدنا وصوت من الأصوات الحلوة اللى بتملكها مصر وماعندناش كتير بلاش نهدها، وكلنا لينا ناس قريبين مننا لما بييجوا يتكلموا بيبوظوا الدنيا وإحنا قلوب طيبة وجوانا رحمة .
واستطرد ملحوظة هامة : كلامى مش دفاع ولكن توضيح وماليش أى مصلحة معاها كمطربة لأنى خدت مصلحتى ونجحت مع الكل الحمدلله ومعروف عنى لا بأتقرب لحد ولا باجامل حد ولكن العكس هو الصحيح .
تابعوا آخر أهل مصر على Google News
