علق مرتضى منصور رئيس نادي الزمالك على سبب موافقته على خوض مباراة القمة أمام النادي الأهلي على ملعب ستاد الجيش الثالث بالسويس، والتي ستقام غدًا السبت في الجولة 34 من مسابقة الدوري المصري الممتاز.
وقال مرتضى منصور: "أنا في البداية والنهاية رجل دولة، عضو برلمان عام 2000 ورئيس لجنة الأندية ومايشغلنيش شوية العيال التانية اللي قاعدة على الفيسبوك تقل أدبها وتقولك الله يرحم الزمالك وتقولهك هيبة الزمالك".
تابع: "هيبة الزمالك انك تاخد بطولات مش ملعب يمين أو ملعب شمال، ولازم تبقو عارفين أن من بداية المسابقة الأمن هو اللي بيتحكم فيها يعني مش هنضحك على نفسينا".
أضاف: "قصة الدفاع الجوي كان كانو عاوزين يلبسو نادي الزمالك القضية كلها، فإحنا لاعلاقة لنا احنا مش أصحاب الملعب أصلًا والتذاكر كانت مطبوعة في مطابع الشرطة واتوزعت باللجنة وقالت قانونية ومع ذلك كانو عاوزين يلفقو القضية لنادي الزمالك".
أردف: "إحنا كنا ملسوعين من الشوربة قبل كدة هنوعد ننفخ في الزبادي دول شوية عيال صيع اللي قاعدين ملهمش أهل مش متربيين ولا في دماغك حاجة، ممكن نقول هنلعب في المكان دة غصب عن عين التخين يروحو العيال تقتحم المكان دة الشرطة تتعرضلهم والناس تموت ويقولك هاتو بقى المجلس اللي هو مش مقدر مسئولية البلد".
تابعوا آخر أهل مصر على Google News
