روت إحدى الصحفيات التي ذهبت لتغطية حفلة محمد رمضان التي اقيمت يوم الجمعة الماضية يوم 29 مارس في مركز المنارة بالتجمع الخامس أحد الموافق التي حدثت في حفلة محمد رمضان التي كانت تحمل اسم أقوى حفلة في مصر، وكتبت: "في كائن حي اسمه (محمد #محسن_جابر ) وأنا حطاه بره الهاشتاجً قاصده لانه خارج التصنيف.. الأخ الكريم في بروفات حفلة #محمد_رمضان بعد ما تم دعوة الكاميرات لتصوير البروفات .. أتفاجئ الزملا المراسلين بالشخص المدعو (محمد محسن جابر) جاي يقل أدبه عليهم ويطردهم بره المنارة كلها أكنه وارثها من أبوه مع شركة #مزيكا مش أنها جه تابعه للدولة .. الزملا لما اعترضوا على الأسلوب زود الإهانة أكتر وقالك دا بفلوسي .. ورجع حد من المنظمين قال دعوة الحفلة قائمة .. الكاميرات قالت هنروح نعمل شغلنا وإحنا بنغطي حفلة #محمد_رمضان ملناش علاقة بالكائن بيضاوي الملامح ده .. روحنا في أمان الله ودخلنا وطبعا مفيش مكان آدمي نصور منه فالمصورين بقوا واقفين وقفه خطر لو حد اتهز ووقع عمره هيخلص في لحظتها وكملنا".
وتابعت الصحفية: "اتفقنا ناخد بايت من #محمد_رمضان ومحدش حواليه اعترض نزل رمضان روحنا نسجل جالنا هذا البيضاوي الملامح وبمنتهى قلة الأدب وانعدام التربية أقوله متفقين على تسجيل يقولي (لأ .. أنا صاحب الليلة دي كلها وبص للجاردات اتعاملوا معاهم) واختفى قبل ما أخد رد فعل ..الحقيقة اللي أنت مش مدركها أنك وارث الشركة عالجاهز من أبوك ووارث اسمها فقط محدش بقى يتفرج على مزيكا ولا على التليفزيون كله .. الشركة عندها مشاكل مع تلت تربع النجوم وكلهم هربوا يالي رجع لروتانا يالي راح يونيفرسال يالي بقى ينتج لنفسه واتبقى لحضرتك الدرجة التالته اللي وقعوا الشركة تماما .. تناكة معاليك على الصحافة والإعلام جايبها منين .. وقلة تربيتك ممكن تمارسها بفلوس بابي على أصحابك في النادي وعلى شلة الكافية إللي بتقعد فيه أو على أصحابك في سكول وتقولهم أصل بابي عنده فلوس كتير وأنا أغنى واحد في الشلة .. لو هتنسى بابي وفلوس بابي وتتعامل بزنس وأنك بقيت راجل مسئول فلازم تحترم نفسك أولا وتحترم الآخرين ثانيا وتحترم الصحافة والإعلام إللى لو قررت تحطك في دماغها وهيبقى بحق مش باطل هتقعد في بيتك تعيط في حضن بابي ومامي وتقول سوري مش هعمل كده تاني.. بس إحنا متربين للأسف وبنعرف نحترم الكلمة اللي بتتكتب قبل ما تتقال".
اقرأ أيضًا.. أول تعليق لـ "أحمد سعد" بعد انفصاله عن سمية الخشاب: الواحد مش ناقص
اقرأ أيضًا.. عبارات حب من أحمد الفيشاوي لزوجته ندى الكامل (صور)
وشارك بنشر هذا المنشور على الفيسبوك عدد من الصحفيين اعتراضًا وغضبًا لما حدث لهما في الحفل الأول الذي قدمه محمد رمضان وذلك بعد استاء الجمهور من تأخر محمد رمضان للصعود على مسرح المنارة حيث كان موعد بدأ الحفل في السادسة مساءًا ولكنه بدأ في العاشرة مساءًا.
تابعوا آخر أهل مصر على Google News
