هل أزعج النجاح الكبير للفنان محمد إمام من خلال فيلمه «جحيم فى الهند» الذى يعرض الآن ضمن أفلام موسم عيد الفطر الفنان أحمد السقا والفنان محمد رمضان؟
فقد أشارت تقارير صحفية إلى أن الفنان أحمد السقا يشعر بالصدمة والمفاجئة من هزيمة فيلمه «من 30 سنة» أمام فيلم محمد إمام أيضا قيل أن محمد رمضان غاضب من مقارنة ايرادات فيلمه شد أجزاء التى حققت رقم قياسى فى تاريخ إيرادات السينما المصرية بإيرادات محمد عدل إمام.
كشف محمد عادل إمام كل هذا اللبس واللغط الدائر فى كواليس الساحة السينمائية قائلا إن أول اتنين من نجوم الفن باركا له نجاح فيلم وتحقيقه الإيرادات الكبيرة «كان أخويا الكبير أحمد السقا وأخويا الصغير محمد رمضان»، بحسب وصفه، مضيفا أنه أيضا كان يبارك لهما على نجاحاتهما السينمائية.
وأردف: «يا جماعة احنا كلنا في الوسط ده عِشرة عمر وواكلين مع بعض عيش وملح، احنا ليه دايمًا بنقارن نجاح بنجاح أو لو حد نجح بنقلل من نجاح التاني!؟ ربنا هو اللي بيوزع الأرزاق وماحدش بياخد رزق حد، وكل المنافسات دي في صالح الجمهور في الآخر لانها بتدفع كل واحد انه يعمل أعمال حلوة تعجبكم»
وتابع: « بتمني أن كل الأفلام تجيب أعلى الأرقام وان الجيل ده يقدر يغير شكل السينما المصرية، احنا فعلًا أصحاب وحبايب فأرجو عدم إثارة أي فتن أو ضغائن وخلينا نشتغل في هدوء»
تابعوا آخر أهل مصر على Google News
