طرح المخرج بيتر ميمي الأفيش الدعائي لفيلم كازابلانكا والذي تصدره الفنان أمير كرارة وغادة عادل والممثل التركي خالد ارغنيش وإياد نصار وعمرو عبد الجليل وأحمد داش، مما جعل أكرم ابن الفنان محمود البزاوي يعترض لعدم وجود صورة والده على الأفيش، وكتب أكرم محمود البزاوي عبر حسابه بموقع "فيسبوك": "مبدأيا ابويا ماعندوش اي فكره عن البوست ده، انا ابويا طيب ويمكن طيبته دي هي اللي كانت سبب في تأخير نجاحه و انه كتب من الباطن كتير مثلا زي ما قولت قبل كده و كان دايما بيعمل حاجات وتنجح ومفيش حد يعرف انه لي دور في نجاح العمل ده بس اللي كان بيصبره ان ربنا هيعوض.. و بعد ما قدر يوصل بدراعه للي هو فيه لسه في ناس مش مقتنعه بي.. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش و ابعد عنه احسن لانه في نظرك مش الشخص اللي يفيد".
افيش كازابلانكا
وتابع أكرم محمود البزاوي وكتب: "في رأي الشخصي ناس كتير بتعرف تتصور بس مش الكل بيعرف يمثل.. واسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي".
واختتم أكرم حديثه وقال: "ملحوظة : "ابويا قالي انه عامل دور مهم في الفيلم ده .. و يمكن بيكدب عليا و طالع كومبارس .. ساعتها هاتأسف على البوست".
وحرص عدد من نجوم الفن لمساندة محمود البزاوي وكتبوا تعليقاتهم على كلام أكرم ابنه، فكتب صبري فواز: "يا أكرم أبوك فنان كبير .. حقك تفرح و تفخر بيه .. و احنا زملاؤه بنفخر بيه و بشغله"، كتب أحمد السعدني: "مش بالافيشات يا ابني ابوك ممثل و اب و انسان عظيم".
اقرأ أيضًا.. بعد تكريم سمية الخشاب بختم النبي.. كاتب سعودي يعلق: لكل مقام مقال
كما كتب الفنان صلاح عبد الله: "تعرف ياواد يامكرم أنا بحب حبك لأبوك قوي قوي ومعجب بيه لأقصى درجة وبدعيلك وبدعيله وأبوك إستحمل كتييييييير وربنا كبير والحمدلله في الفترة الأخيرة كل الناس بتشاور بكل التقدير والإحترام والإجلال لمحمود البزاوي واللي جاي أحلى وأعظم بإذن الله بغض النظر عن الأفيش".
تابعوا آخر أهل مصر على Google News
