علقت كابتن رحاب جمعه نجمة النادي الأهلي في كرة اليد، والمحترفة حاليا بنادي سامبر الفرنسى، علي هزائم الفريق الاول لكرة القدم، والخروج الأخير من بطولة دوري أبطال إفريقيا، بخماسية كارثية، أمام صن داونز الجنوب إفريقي.
وقالت رحاب جمعه، "في موضوع كنت مستنية الدنيا تهدي وأتكلم فيه ، احنا في النادي الأهلي نادرا لما بنخسر بطولة او نتعادل ماتش الكلام ده قبل المجموعة اللي موجود حاليا اللي ميعرفش يعني ايه إنتماء ولا يعرفوا قيمة النادي الأهلي ولا يعني ايه هما بيلعبوا بأسمه"
وتابعت، "الجيل ده عاوز حد يفوقهم ويديهم علي دماغهم عشان يفوقوا ويصحصحوا والوحيد اللي يقدر يفوقهم هو جمهور الأهلي، جمهورنا اللي بيلعب بقلبه اكتر من أي لاعب ، جمهور الأهلي كبير وعظيم فكفاية حنية علي اللعيبة وتطبيل الله يكرمكم عشان كل ما بنقول معلش ومبادئنا منشتمش اللعيبة واي هري، الجيل اللي موجود جيل ما يعلم ليه إلا ربنا والله، واللي غلطان يتحاسب مهما كان اسمه الاهلي اهم من أي حد موجود فيه".
واستطردت جمعه، "لو مش قد الشيلة متشلهاش وسيبها للقادر يشلها، أحنا اتفضحنا فضحتين اقل من سنتين فياريت نسيبنا من الشعارات والتطبيل ونشتغل بعد إذنكم، احنا بنحب الأهلي وملناش مصلحة مع حد فيه ، احنا مش هنطبل لحد ! بنحبك يا أهلي"
تابعوا آخر أهل مصر على Google News
