أسامة كمال عن التعديلات الدستورية: "سيبكم من ترويج الإخوان ضده" (فيديو)

كتب : أحمد رفعت

قال الإعلامي اسامة كمال مقدم برنامج مساء DMC ، إن :مصر بتعدل الدستور، وسيبك من الكلام اللي بيروج له الإخوان بره مصر، وجوه مصر، وناس كتير لسه مش فاهمين كويس قصة التعديلات الدستورية، وأضاف كمال في برنامجه مساء DMC اليوم الأربعاء، أن الشعب المصرى مش فاهم قوي قصة التعديلات الدستورية والمادة الخاصة بالرئاسة، نقول لسعادتك، بسقوط المادة الدستورية أو تعديلها هتبقى الفترة الحالية للرئيس هى الفترة الأولى للسيسي لو الناس قالت نعم للتعديلات، فيبقى له إمكانية الترشح لفترة تانية، فى انتخابات رئاسية تانية"، وتابع كمال ، أن الرئيس هيعقد 6 سنين؟ أيوه الرئيس، يعنى أى رئيس هيحكم مصر فى المستقبل، هيقعد 6 سنين، ودى مدة الرئاسة من وقت الرئيس عبد الناصر يعنى من 70 سنة؟"، وتسائل كمال "هل التعديلات على بعضها فى صالح المواطن؟ أيوه؟ هل فيه نقص فى دستور 2014 وكان لازم نعدله أكتر من كده؟ بالتأكيد؟ طب ليه ما عملناش تعديلات أكتر؟ وأحنا ماشيين أكيد هتظهر أخطاء أو ضرورات تخلينا نعدل حاجات تانية".

واستطرد: "الجديد في التعديلات الدستورية ان مدة الرئاسة دى لو أتمدت وبقت 6 سنين بدل اربع، فده مش معناه استمرار الرئيس تلقائيا لمدة تانية، ولكن المدة التانية بانتخابات تانية، تقول أيوه تقول لأ، براحتك، بس التصويت علي التعديلات سيمد فترة الرئيس السيسى سنتين مش أكتر"، وتابع: "ما أعتقدش فيه ناس كتير فى مصر مش موافقين على استمرار الرئيس السيسى لاستكمال الإصلاح الاقتصادى، والمشروعات اللي بطنها مفتوحة"، وفترة الرئاسة فى مصر مدتين زى ما قلت، محدش غير حاجة خالص فى قصة المدتين، إنما مادة الرياسة لما اتغيرت هيكون فى يمين جديد كأنها أول مرة، يمين جديد، إنما الفترتين هم هم. يعنى اللى يقول 2000 كام وتلاتين والكلام الفارغ رُصه جنب إخوانه وقول له، مش ده التعديل، واتم كمال" انه ليس من الغريب أن تقوم مصر بتعديل الدستور، مثل الدستور الأمريكى الذي تم تعديله 18 مرة.. 18 تعديل على نفس الدستور، لما تكون فيه ضرورة، وفي فرنسا آخر تعديل كان فى 2008 وأدى الرئيس صلاحيات أكبر لتحسين وتحديث أداء المؤسسات الدستورية، واردف: "فرنسا أصلاً عملت 15 دستور وبعضها اتعدل زى دستور 1852 (اتعدل 6 مرات)، ودستور 1875 (اتعدل 3 مرات)، ودستور 1942 (اتعدل 3 مرات)، والدستور الأخير اُتعدل 16 مرة آخرها فى 2008 زى ما قلت.، مضيفا أن الصين وضعت الأول سنة1954. والدستور الحالي أتعمل فى 1982 وأتعدل 6 مرات في 1988 و1993 و1999 و2004 و2018. دستور ألمانيا أتعمل سنة 1949، وتم تعديله 36 مرة، آخرها فى 2017".