طالبت الدكتورة منى مينا، عضو مجلس نقابة الأطباء، الزملاء الأطباء بنشر وتفعيل هاشتاج #وزارة_الصحة_بتخلف_وعودها، ردًا على ما أعلنته وزارة الصحة والسكان والذي يقر باحتساب سنة أقدمية للأطباء وعدم احتساب مدة الخبرة العلمية أي عدم ضم سنة الامتياز وهو مطلب أساسي لتكليف الأطباء.
وعلقت "مينا" عبر صفحتها الشخصية على موقع التواصل الاجتماعي "فيس بوك"، قائلة: "ليه دفعة التكليف الجديدة عاملين هاش تاج #وزارة_الصحة_بتخلف_وعودها ؟؟ لأن وزارة الصحة بعد ما وعدت دفعة التكليف الجديد بأنها ها تنص في قرار التكليف على ضم سنة الامتياز، وكمان ها تخاطب التنظيم والادارة لحل الأزمة، الأطباء اطمئنوا للكلام اللي صدر بتصريح رسمي على صفحة الوزارة "مرفق".. بعد كده نزل قرار التكليف بعيدا تماما عن الوعود .. بيحط في ديباجة القرار فتوى للمستشار القانوني بتقر احتساب سنة أقدمية .. و لا لكن لا تحتسب مدة الخبرة العملية !!!!! و محدش يسألني ازتي عشان انا مش فاهمة حاجة ..و الاخطر ان كل ده ورد في ديباجة القرار أو مقدمته ..و خلت مواد القرار نفسها من أي كلمة تخص حق الاطباء اللي امضوا 7 سنوات في الكلية في ضم سنة الامتياز .... عشان كده زملائنا دفعة التكليف الجديدة بيقولوا #ضم_سنة_الامتياز_حقي #وزارة_الصحة_بتخلف_وعودها #مافيش_قرارضم_مافيش_استلام #تأجيل_الاستلام
وفي النهاية طالبت الزملاء بتفعيل الهشتاج قائلة: "يا ريت كل الزملاء يساعدونا بنشر الهاشتاج عشان صوت الدفعة يصل لمسامع السادة المسئولين".
تابعوا آخر أهل مصر على Google News
