حرص الإعلامى شريف مدكور على الرد على الأقاويل التى خرجت بشأن علاجه على نفقة الدولة، وذلك من خلال نشر مقطع فيديو له فى "ستوري" حسابه الرسمى على "إنستجرام".
شريف مدكور: مش باتعالج على نفقة الدولة
وجاء فيديو شريف مدكور ردًا على سيدة مصرية طالبت بعلاج نجلها من مرض سرطان العظام على غرار شريف مدكور، الذى قال فى الفيديو: "فيه سيدة مصرية محترمة جدا بتدعى لى بالشفاء وابنها عنده كانسر فى العظام وربنا يشفيه وهى بتقول زى ما شريف بيتعالج على نفقة الدولة ابنها كمان عايزاه يتعالج على نفقة الدولة.. أنا مش باتعالج على نفقة الدولة وما باخدش أى حاجة على حساب الدولة.. ومش معنى إنى فى مستشفى حكومى إنى أبقى باتعالج على نفقة الدولة حضرتك".
شريف مدكور: باختار بنزين 95 عشان ما استخدمش حاجة مش من حقى
وتابع شريف مدكور: "أنا باتعالج على حسابى الخاص فى مستشفى حكومى فيه قسم استثماري، ودافع فلوس زى اللى بتتدفع فى المستشفيات الخاصة، فأنا حضرتك يا افندم مش باتعالج على نفقة الدولة وما فيش أى حاجة فى حياتى باعملها على نفقة الدولة.. حتى البنزين اللى باحطه فى عربيتى .. أنا ممكن أحط 92 وباختار بنزين 95 عشان ما ابقاش باستخدم حاجة مش من حقى.. والضرايب بادفعها فى معادها وما فيش أى حاجة باعملها بمحسوبية أو بالواسطة".
اقرأ ايضا: أول ظهور لشريف مدكور عقب خروجه من غرفة العمليات
شريف مدكور: وزيرة الصحة ما جتش مخصوص
وأضاف شريف مدكور: "النقطة التانية اللى عايز حضرتك تعرفيها أن وزيرة الصحة ما جتش مخصوص.. لكن كانت جاية المستشفى فى زيارة بتفتتح دور فى المستشفى، وعرفت إن أنا موجود.. وقالت أنا عايزة أسلم عليه. وكانت فى نفس الدور".. أنا مش باتعالج على نفقة الدولة، ولا الوزيرة جات لى مخصوص".
جراحة لإزالة ورم بالقولون
وكان الإعلامى شريف مدكور أجرى منذ يومين جراحة لإزالة ورم بالقولون داخل مستشفى دار الشفاء الحكومي.
تابعوا آخر أهل مصر على Google News
