أكدت الفنانة سمية الخشاب خلال لقائها مع الإعلامية بسمة وهبة في الحلقة العاشرة من برنامج "شيخ الحارة"، على قناة القاهرة والناس، أنها قامت بدفع أكثر من النصف في شقة أحمد سعد التي تحدث عنها في الحلقة، والسبب في امضائها شيكات له أن البنك رفض أن يخرج له شيكات بسبب تخلفه من قبل عن تسديد شيكات لأقساط سيارة طليقته أم أولاده، معقبة خلال استضافتها في برنامج شيخ الحارة تقديم الإعلامية بسمة وهبة: "مكانش عنده بيت وشجعته وقولتله هتسمع الكلام ولازم تشتغل وبلاش تشتغل والحياة هتتظبط ونمشي حياتنا بشكل كويس وتطلع دفتر شيكات، فقالي لأ مقدرش اكتبي الشيكات بإسمك، قولتله مينفعش أكتب الشيكات باسمي والشقة باسمي لو أخويا مش هعمل معاه كدة فقالي اعمليها باسمك وبعدها لما اسد الفلوس ترجعيها ليا"، وتابعت سمية الخشاب فى برنامج شيخ الحارة مع بسمة وهبة على القاهرة والناس: "أنا مش ناقصني بيوت، لأن البيت اللي واخداله فيها شقة واخدة فيه فيلا تمنها 6 أضعاف تمن شقته والحمدلله عندي بيوت معرفش عددها فهاخد شقتي أعمل فيها إيه".
اقرأ أيضا.. سمية الخشاب عن أحمد سعد: ريم البارودي ماسكة عليه حاجات خايف منها (فيديو)
وأضافت سمية الخشاب خلال حلقة اليوم مع الاعلامية بسمة وهبة من برنامج شيخ الحارة مع سمية الخشاب على القاهرة والناس: "أنا كنت بدفعله الفلوس لأنه كان بيتعثر في شغله ومش عيب ان الست تساعد جوزها، مشيرة إلى أن أقساط السقة كانوا 5 دفعت منهم 3 وهو دفع 2، مضيفة: فجأة بعد موضوع الطحال وضربه ليا بقى بيزن عليا لما اخته قالتله وانا في المستشفى لو ليك حاجة عندها خدها قبل ما تدخل في متاهات، بس لما طلبها مني مديتهاش ليه لأني دافعة أكتر من نص تمنها وهو مسددوش ليا، معقبة: أبقى دافعة فيها فلوس وأديهاله ليه هبلة؟".
برنامج شيخ الحارة،،برنامج شيخ الحارة مع سمية الخشاب،،موعد برنامج شيخ الحارة،، مواعيد برنامج شيخ الحارة على القاهرة والناس،، مواعيد برنامج شيخ الحارة.
تابعوا آخر أهل مصر على Google News
