شاهد| «نصار»: انتظار الوظائف الحكومية «مفهوم متخلف»

قال الدكتور جابر نصار، رئيس جامعة القاهرة، إن الجامعة تحاول توفير فرص عمل للطلبة بعد التخرج، موضحًا أن الحكومة غير مطالبة بتوفير فرص عمل لهم.

خلال لقائه في حلقة اليوم من برنامج «السادة المحترمون»، المذاع عبر فضائية «ON tv»: احنا في جامعة القاهرة، لدينا موسم تفاعلي مع الطلبة، لتحويلها لبازار ثقافي في الصيف، لجذب الطلاب بدلًا من قعدة القهوة او مناكفة أبوه وأمه، احنا هنوفر 40 ألف كتاب مجانًا للطلبة، ولو عنده كتاب يجيبه وياخد كتاب تاني».

وتابع رئيس جامعة القاهرة: «كمان عندنا موسم رياضي، بنحاول نخلق حالة تواصل بين الجامعة والطلاب والخريجين كمان، واحنا هنعلن خلال أسبوع عن مكتب لتدريب وتشغيل الخريجين، هنخلق لهم فرص إما تدريب تحويلي أو تشغيل في مجاله».

واستطرد «نصار»: «النهاردة كل اللي بيتعلم عاوز الحكومة توظفه، ده مفهوم متخلف، الحكومة مش هتقدر توظف كل الأعداد دي وهي مش مطالبة بكده».