يقبل المصريون على التغيير في طرق إعداد الطعام حتى يشعروا بمتعة المذاق فى تناول أصناف مميزة، لذلك نقدم لك اليوم طريقة عمل " مكرونة وكفتة فراخ بصوص الجبنة".
المقادير
كيس مكرونة اسباجتى مسلوقة
2كوب لبن بارد
2علبة صغيرة زبادى
2معلقة كبيرة نشا
رشة ملح
كوب جبنة موتزاريلا
2معلقة كبيرة بقدونس مفروم
توابل /ملح وفلفل اسمر وبابريكا وتوم بودر وتوابل فراخ
مقادير كفتة الفراخ
نصف فرخة من الصدور ومخلية من الجلد والعضم
واحدة بطاطس مسلوقة ومهروسة
بصلة صغيرة مبشورة ناعم
2معلقة كبيرة بقسماط ناعم
ربع كوب دقيق
الطريقة:
نقوم بفرم الفراخ ونضع عليها البصلة ورشة من كل التوابل ما عدا البابريكا ونفرمها ونضعها بطبق ثم نضيف البقسماط والبطاطس المسلوقة ونخلطها جيدا، ونضع الفراخ بالثلاجة لمدة نصف ساعة ثم نشكلها إلى كرات صغيرة.
ثم نقوم بدحرجة الكرات في الدقيق ونقوم بتحميرها، ثم نحضر المكرونة بعد السلق ونضع عليها ماء عاديا وتصفى ونضع عليها معلقتين من زيت تحمير الفراخ ورشة ملح وفلفل أسود وبابريكا وثوم بودر ونقلبها ونضع معلقتين بشر جبنة موتزاريلا ونقلبها وتترك جانبا.
نضع فى الخلاط اللبن والنشا والزبادى ورشة ملح ونقوم بخلطها جيدا حتى تصبح كريمة لبانى، ونضع مكان تحمير الفراخ معلقة صغيرة زبدة وعلى النار ونضع رشة ثوم بودر ونقلب ونضيف الكريمة ونضع كفتة الفراخ ونقلب حتى تسيح الجبنة ونضع البقدونس ونطفئ النار ونضع بعضا من الصوص على المكرونة وتقلب ونضع المكرونة بالطبق ونضع عليها الكفتة والصوص وتقدم.
تابعوا آخر أهل مصر على Google News
