عبرت إيمان البنداري، زوجة الشهيد مصطفى عبيد ضابط المفرقعات شهيد تفجيرات كنيسة مدينة نصر، عن مدى حزنها بعد مشاهدتها اللاعب محمد صلاح مع محمد أبو تريكة في صورة واحدة تجمعهما، وعجت بها صفحات مواقع التواصل فيسبوك.
وقالت زوجة الشهيد في تصريحها لــ "أهل مصر" : "يمكن أنا ومصطفى الله يرحمه مش من متابعي كرة القدم، لكننا زى أى حد مصرى كنا شايفينه شرف وقدوة للشباب المصرى، لكن لما شفته امبارح في الصورة دى حقيقى قلبي وجعني، وعرفت إنه مش حاسس بوجعنا ولا بحزننا على دم شهدائنا".
وتابعت إيمان البنداري زوجة الشهيد ضابط المفرقعات ووالدة ابنه سليم الذي جاء إلى الدنيا بعد استشهاد والده بأيام: "صلاح بقى بالنسبة الى قدوة سيئة، وعايزة أقو له إني كنت لحد إمبارح باتمنى ابني يكون فى أخلاقك، لكن للأسف النهارده ما اقدرش أقول كده لأنى ما اتمناش ابنى يحط إيده فى ايد اللى قتلوا أبوه.. خسرت كتير بالصورة دى يا صلاح".
تابعوا آخر أهل مصر على Google News
