أعربت الفنانة نشوى مصطفى، عن رغبتها في مشاهدة فيلم الممر للمخرج شريف عرفة، ولكنها كشفت عن انشغالها هذه الفترة في تحضيرها لزواج أبنها وأبنتها المقرر أقامتهما قريباً.
وكتبت نشوى مصطفى عبر حسابها الشخصي بموقع التواصل الاجتماعي فيسبوك: "للاسف لحد دلوقتى ظروفى ماسمحتش أشوف فيلم الممر لان عقبال عندكم ابنى حيتجوز بعد شوية أيام صغيرين — وبنتى حتتجوز بعد شهرين — يعنى خبطتين فى الراس— اللي غايظنى بقى أن ابنى وبنتى راحوا شافوا الفيلم مع اصحابهم وانا قاعدة مع الصنايعية اللي بيشطبو له شقته وبعد مابيمشوا الصنايعية بانزل الف على محلات جهاز العرايس".
وأضافت: "سألت ابنى ايه رايك فى الفيلم قال لى انا واصحابى بعد الفيلم كلنا عايزين نروح سينا نحارب وسألت بنتى قالت لى اشمعنى الرجالة بتروح الجيش والستات لاء احنا مكناش عارفين أن الجيش بيعمل كل ده علشانا — شايفين تأثير الفن الحقيقى — الفن اللي بيبنى ويشكل الوجدان — تحية لصناع الممر جميعاً والف الف مليون تحية لحراس الوطن جيش مصر خير اجناد الارض وتحيا مصر، بعشق ترابها، عايزة اتفرج على فيلم الممر".
تابعوا آخر أهل مصر على Google News
