ردت الفنانة رحاب الجمل على منتقديها، بسبب حصولها على لقب الأم المثالية لعام 2019، وذلك من خلال منشور لها عبر حسابها الرسمي على موقع التواصل الاجتماعي "فيس بوك"، ونشرت رحاب الجمل صوراً مع ابنها وعلقت قائلة: " ايوة انا الام المثالية وايوة ابني الطالب المحترم بشهادة أساتذته وايوة انا صاحبة الصورة القديمة بالفستان العريان من الصدر وايوة الصورة حقيقية مش فوتوشوب وانا بلبس عريان لكن كمان انا اللي ربيت الراجل ده واهتميت بيه وعلمته احسن تعليم وانا اللي ضحيت بشغلي ورفضت مسلسلات وافلام علشان اتفرغ لرعايته واقف بجانبه في اهم مرحلة انتقالية صعبه اي ابن محتاج امه فيها تكون جنبه وتحتويه".
رحاب الجمل
رحاب الجمل تحصل على لقب الأم المثالية
وأضافت رحاب الجمل: " لكن انت ياللي بتتريق عملت ايه ؟ كنت كاذب ومضلل وطلعت لي صورة قديمة من مهرجان اسكندرية ملهاش دعوة بالحدث الحالي ويا تري انت عملت ايه لاولادك سيبتهم وداير تغل عليا وعلي غيري ونسيت تاخد بالك من اولادك علشان كدا متضايقين قوي، هات لنا مامتك نكرمها ونعطيها الأم المثالية بس تقولنا ربيتك ازاي وعلمتك ايه ؟! لو انت كنت في حالك ومحترم ونافع للمجتمع كانت امك اخذت الام المثالية ولو انتي كنتي ربيتي أولادك صح واهتميتي بيهم وعلمتيهم يكونوا رجال محترمين نافعين لنفسهم ولغيرهم ولبلدهم كنتي اخدتي الأم المثالية".
اقرأ أيضا: "رنا سماحة" بديلة لـ "رحاب الجمل" في "كوميديا البؤساء"
رحاب الجمل
وتابعت رحاب الجمل: "الأم المثالية مش شهادة بناخدها من مؤسسة لكن هي شهادة بيسجلها مستقبل اولادنا وأخلاقهم الحميدة ونفعهم للمجتمع .. بطلوا حقد وغل بقي ، ولا اقولكوا لا بلاش خلاص ماتبطلوا حقد ولا غل بل بالعكس زيدوا الرغي وافضلوا سفوا عليا وزودوا الهبد اه والنبي زودوا الهبد وطلعوني ترند انا عايزة اطلع ترند بالله عليكوا هما اللى طلعوا ترند احسن مني
(لو انا وقفت احدف طوب علي كل كلب عوا عليا ماكنتش مشيت ولا خطوة للأمام ) .. رحاب الأم المثالية".
تابعوا آخر أهل مصر على Google News
