حذر سامح أبو عرايس، الخبير الاقتصادي، المواطنين من تطبيق face app، قائلًا أن الهدف من البرنامج نشر الاكتئاب بين الشباب ومتوسطى العمر، مؤكدًا أن برنامج face app، ما هو إلًا حرب نفسيه روجه جماعة الأخوان وخصوم مصر لنشر الإحباط.
وقال الخبير الاقتصادي:" خلوا بالكم.. الأبليكيشن السخيف المنتشر حاليا اللي بيغير صور الناس لصور كبيرة في السن ده اللي روجه الإخوان وخصوم مصر بهدف نشر الاكتئاب بين الشباب ومتوسطي العمر في مصر.. يعني يخليك تشوف شكلك عجوز علشان تكتئب.. شغل حرب نفسية على العقل الباطن.. ونفس اللي بيعملوه من خلال صفحات كوميكس وغيرها بينشروا بيها الإحباط من خلال كوميكس تحمل رسائل سلبية.
وأضاف:" نفس اللي بيعملوه من خلال صفحات اجتماعية ودينية تلاقيها دائما تنشر كلام كئيب في صورة أدعية أو حكم.. ونفس شغل السخرية من المنتخب.. شغل منظم بهدف نشر الاحباط بين المصريين.. وطبعا الاخوان عقولهم أقل كثير من انها تفكر في كده.. لكن هم منفذين شاطرين للي بيحركهم.. خلوا بالكم وبلاش تنشروا الحاجات دي لأنها بتنشر بينكم الاكتئاب والاحباط وانتم فاكرين انكم بتهزروا".
تابعوا آخر أهل مصر على Google News
