نشرت المحامية دينا عدلى حسين محامية الفريق أحمد شفيق، على صفحتها الشخصية عبر مواقع التواصل الاجتماعى بخصوص "الكلب بوزو" نص رسالة وصلتها على الفيس الشخصية من أحد أصحاب " الكلب بوزو" الذى عقر طفلا بالتجمع الخامس، أمس، يطلبون فيه وجود محامى بيطري ليخلي سبيل "الكلب بوزو"، وطلب الحرية للكلب بوزو مما آثار غضب المحامية لترد عليهم بهذا المنشور لتعبر عن استيائها من هذه الرسالة قائلة :
" والله العظيم بجد أنا مش عارفة أرد أقول ايه الرسالة دى وصلتنى على الخاص علشان أحاول أنقذ الموقف مبدئيا أنا اللى أعرفه إن فى محامى ابتدائى استئناف أو نقض أما بيطرى وبشرى دى أنا ماشوفتهاش ومش عارفه ايه نوعية الدفوع القانونية اللى بتتقال فى القضايا دى .
أما بالنسبة لطلبها الصعب الحرية لبوزو بيه احنا مش عارفين نجيب الحرية للبشر مش سيادته ده غير إن أنا طبعا مش عارفه نوعية التوكيل اللى ممكن يتعمل و من هو صاحب الصفة اللى يمثل السيد بوزو وطبعا الأستاذ المحامى البيطرى هاياخد أتعاب حلوة لإخلاء سبيل بوزو.
وإن شاء الله لو الاتهام كان موجه لصاحبة بوزو ممكن نتعاون مع المحامى البيطرى فى القضية علشان تبقى هيئة الدفاع فيها جميع التخصصات ، هو اليوم باين من أوله الصراحة"
اقرا أيضا : استنفار أمني بجميع المحافظات تزامنًا مع الاحتفال بالذكرى الـ67 لثورة 23 يوليو المجيدة
و يذكر أن أجهزة الأمن بالقاهرة تحفظت على كلب صغير " الكلب بوزو "عقر طفل بمنطقة التجمع الأول، حيث تلقى قسم شرطة التجمع الأول بلاغا من سيدة مفادها إصابة نجلها بجرح بعدما عقرة كلب صغير، وبالانتقال والفحص تبين إصابة طفل عمره 12 سنة بإصابة طفيفة من " الكلب بوزو " وتم التحفظ على الكلبة.
و حرر محضر بالواقعة وتولت النيابة التحقيقات في واقعة " الكلب بوزو ".
تابعوا آخر أهل مصر على Google News
