يعيش سكان التجمع الخامس بالقاهرة الجديدة حالة زعر بعد انتشار أفعى الطريشة، وهي أخطر أنواع الأفاعي، وانتشر الكثير من الأقاويل في الوقت الحالي بخصوص انتشار أفعي الطريشه في التجمع.. لذا علينا أخذ جميع احتياطاتك من الكبيرة للصغيرة.
من خلال التقرير نقدم معلومات مهمة حول أفعى الطريشة وطريقة التعامل معها حال مواجهتها:
أولا: أفعى الطريشة سامة جدا جدا مينفعش تقرب منها لأنها تفعل حركة مفاجئة وتقفز لمسافه لتتمكن من مهاجمة الشخص، خاصةً لو قريب من مكان عيشتها أو مزاجها مش مظبوط نتيجه عمليه الانسلاخ للجلد اللي بتحصلها.
في حالة اتفاجئت بها داخل المنزل، استخدم عصى طويله واتأكد من بعد كل من في المنزل عنها، وابدأ بزقها بالعصى عكس اتجاه وقوفك لكن ضروري أن تسيطر جيدا علي انفعالاتك.
حاول تراقبها من بعيد في حالة عدم معرفك كيف تتصرف، تتصرف واجعل أحد الأفراد الموجودين معك في المنزل يخبرون الأمن المسؤل، ولا تقم بالاتصال أنت حتى لا تفقد تركيزك تفاجئك هي بحركة مباغتة.
لوحصل لاقدر الله وقرصه، اي حد تعرفه اول حاجه تعملها تشدها بسرعه من ديلها وترميها بسرعه وخد بالك ميكنش حد وراك وانته بترميها
بسرعه جدا جدا تربط فوق منطقه القرصه برباط وتشد الرباط جامد جدا عشان تقلل انتشار السم للجسم.
تجيب تلج كتير وتركب اقرب عربيه وتطير علي مركز السموم واللقاح مترحش اي مستشفي مهما كانت كبيره.. مش هتلاقي مصل غير في المركز
خلال التوجه لمركز السموم واللقاح بشارع دمرداش بالعباسية اتاكد من وضع التلج فوق المكان اللي فيه القرصه من جميع الاتجاهات.
خدوا بالكم الطريشه لها شكلين ممكن يكنلها قرنين او من غيرهم والنوعين خطيرين جدا جدا والصورتين.
اهم حاجه في البوست ان في خلال نص ساعه لساعه لو ما اتلحقش المصاب بيموت او لو قرصاه في ايده او رجله بيتبتر لا قدر الله وهيا ليها صوت زى شخلله في نهايه دلها كانه جرس.
تابعوا آخر أهل مصر على Google News
