أعلن محمد وزيري عن استقالته من إدارة أعمال الفنانة اللبنانية هيفاء وهبي، وذلك بعد أن تعرض لهجوم شديد من جانب متابعيها بسبب انتقاده للفرقة الموسيقية "مشروع ليلى" التي تدعم المثلية الجنسية، والذي أدى إلى إلغاء أحدى حفلات هيفاء وهبي في العاصمة اللبنانية بيروت، لذلك قرر الاستقالة عن إدارة أعمالها رسميًا خوفاً عليها.
اقرأ ايضا.. شاهد.. لطيفة ترقص على "واحده ونص" في حفل مهرجان قابس الدولي
وكتب محمد وزيري، عبر حسابه على موقع تبادل الصور والفيديوهات الشهير إنستجرام: "هيفا حبيبتي أنتي عارفة كويس إني دايمًا عايزلك أحسن حاجة وميهمنيش غير مصلحتك، وطول الفترة اللي إحنا فيها مع بعض كنت بساعدك بقلب وإخلاص، وعارفة كمان إن عمري ما كنت مدير أعمال حد وبعمل كده معاكي عشان أنتِ أغلى حد عندي، ومن غير أجر أو مقابل بس يكفيني أشوفك مبسوطة وعشان اللي شوفته منك ومعاكي وقلبك النضيف، واللي بيننا يخليني أجيبلك الدنيا تحت رجليكي".
وتابع: "على أد ما أنا بحبك أكيد بحب أشوفك ناجحة ومرضاش بسببي جمهورك يهاجمك، وأنا مش هقدر أغير موقفي ولا أي رأي أنا مؤمن بيه، وأنا كمان مش هقدر على اللي بيتقالي، وتقييمي على حاجة مش شغلتي أساسًا، وأهلي اللي اتبهدلوا وكرامتي وإهاناتي اللي بشوفها، أنا بقولك رسميًا أنا مبقاش ليا أي علاقة بشغلك، بس بقولك وبقولها لكل الناس إنك هتفضلي مسؤولة مني وهخاف عليكي".
تابعوا آخر أهل مصر على Google News
