هاجم الإعلامي جابر القرموطي، الأزهر الشريف والجهاز الإعلامي له، بعد إعلانه تأجيل تكريم الطالب الفائز بالمركز الأول في المسابقة العالمية لتلاوة القرآن الكريم، في حين أن الطالب لم يشارك في المسابقة من الأساس.
وقال القرموطي، خلال تقديمه برنامج "مانشيت" المُذاع عبر فضائية "أون تي في لايف": "هو المكتب الاعلامي للازهر ده فنكوش..؟؟ يعني مش عارف مين اللي فاز في المسابقة او لم يشارك من الاساس"، متابعًا: "الأزهر في غيبوبة".
وأضاف: "لو الخبر بتاع ان الطالب عبدالرحيم راضي انه لم يشارك في المسابقة العالمية بالاساس.. هو فين الازهر من ده كله احنا كده في كارثة كبيرة وانه يبقى عندنا أول مؤسسة دينية مش عارفة ايه اللي بيحصل ليه".
وأشار الإعلامي إلى أنه كان سيدعوا الطالب للظهور في برنامجه، مضيفا: "ولما قريت فوز الطالب في المواقع كنت هدفع لمراتي 1000 جنيه لسعادتي بالخبر بس دلوقتي هعمل ايه بقا لما الخبر طلع فنكوش.. هو مكتب الاعلام للازهر فين اصلا؟".
وتابع أن هذا الطالب المدعي ظهر في كل المواقع الاخبارية والقنوات الفضائية على أنه حصل على جائزة عالمية في القران الكريم وتبين انه في النهاية "فنكوش".
تابعوا آخر أهل مصر على Google News
