أثار اليوتيوبر الشهير أحمد حسن وزوجته، الجدل مرة أخرى بظهورهما في مقطع فيديو جديد نشرا على موقع يوتيوب، يردان فيه على الانتقادات التي وجهت لهما بسبب الفيديو الذي نشراه خلال وجودهما في أحد حمامات السباحة بدبي حيث ظهرا وهما يقبلان بعضهما ما جعل الجمهور ينتقدهما على هذا الفعل.
وقال حسن في الفيديو: "إحنا أسفين جدا، بنعتذر لكم، فوق ماتتخيلوا على أي حاجة أحنا عملناها، أنتو شايفنها صح أو غلط، في الفترة دي أحنا في حالة نفسية سيئة، دلوقتي في أكبر مرحلة من مراحل الحالات النفسية".
وأضاف: "ودا بسبب أنتقادات كتيرة جدا بنواجهها، من أول ما بدأنا بتنتقدونا، عملنا فيديوهات دينية بتنتقدونا، ترفيهية بنتقدونا، عائلية بنتقدوها، ليه دايمًا بتتقدونا؟؟، مش فاهم ليه حتى اللحظات الحلوة اللي في حياتنا بتنتقدونا، في الحلو والوحش".
وتابع: "مبقناش عارفين، أنتو بتنتقدونا عشان بنعمل حاجات وحشة، ولا لمجرد الانتقاد مش أكتر؟؟، عايزين نفهم دا، في البداية لما حبينا بعض واتخطبنا، كنا زي اي اتنين مخطوبين بننزل صورنا، الناس كلها قعدت تتريق على الصور وعلينا، وقلب على تريقة على الأشخاص مش المحتوى".
واستطرد: يا جماعة بنتنا كانت لسة مولودة والمفروض لسه هنطلع شهادة ميلاد وخدناها مسكتوا الفيديو ده وقلتوا بطلعوها الشمس ازاي أنا بلعب مع بنتي الناس مسكتوا في الموضوع وقلتوا بتتشهروا على قفا بنتكم احنا قبل بنتنا واحنا عندنا ملايين على صفحاتنا، أحنا تعبنا ياجماعة مش قادرين نكمل، مش هنزل صور تاني على السوشيال ميديا، مش هنظهر تاني، وعارف دي حاجة هتبسطكم، إفرحوا زغرطوا، للسنة الجاية، محدش هيشوف خلقتنا تاني".
واستكمل: "دايما كاسرين فرحتنا، وكسرتوا فرحتنا بكل حاجة، الموضوع وصل لـ إن الناس بتشتمنا بالأب والأم، وبالأهالي وشتيمة وقلة أدب، بتحصل في حقنا، أنا عايزكم في الكومنتات اكتبو مبروك انهم مش هيبقوا موجودين، إعملوا صور واتريقوا علينا، كفاية قلة أدب شكراً وأحنا أسفين على كل حاجة، خلاص وصلنا لحالة نفسية صعبة".
يذكر أن اليوتيوبر أحمد حسن وزوجته زينب، قد أثارا الجدل بين المتابعين على موقع يوتيوب، بعدما نشرا فيديو لمولودتهما وهي تبكي بحرقة، وذكر محامون وأعضاء بالمجلس القومي للأمومة والطفولة أن عقوبتهما قد تصل إلى السجن 5 سنوات وغرامة 200 ألف جنيه، وهو ما يرجح هروبهما لهذا السبب.
تابعوا آخر أهل مصر على Google News
