كشف الفنان عمرو سعد، لمتابعيه عبر حسابه الرسمي على موقع تبادل الصور والفيديوهات "إنستجرام"، عن كواليس مشهد مؤثر قدمه خلال تصوير فيلم "دكان شحاتة"، الذي عرض عام 2009، ونشر عمرو سعد صورة من المشهد المؤثر ويظهر فيها وهو يستند على باب دكانة والده بعد وفاته ويطرق عليه الباب وينادي عليه دون استجابة.
عمرو سعد يكشف أسرار مشهد مؤثر من فيلم دكان شحاتة
واستفاض عمرو سعد فى سرد تفاصيل وكواليس المشهد قائلا: "يومها طلبت من المخرج اني اركز لوحدي تماما وهو في نفس الوقت بدأ يحضر المشهد وطلب من الجميع الهدوء .. اخدت ساعة تقريبا لغاية ما هزيت راسي اني جاهز واتحركت ناحية مكان التصوير وفجأة وأنا في الطريق شوفت الدكان المقفول لقيت نفسي باتحرك زي المسحور ناحيته المخرج خالد يوسف فهم بسرعة ان في حاجة هتحصل وقرب ناحيتي وبص بهدوء وقال لي عاوز ايه؟!”.
وأضاف عمرو سعد مستكملا حديثه: "شاورت على الدكان المقفول ورغم أنه كان جاهز لمشهد في مكان تاني الا انه جري بسرعة وحرك كل اللوكيشن والإضاءة ناحيتي وصرخ للكاميرا تدور بسرعة وصور فعلا المشهد ده النهاردة عدي عشر سنين على اليوم ده".
اقرأ ايضا: عمرو سعد عن وصول محاربي الصحراء لنهائي أمم أفريقيا: "جمعية والجزائر هتقبضها"
وأختتم "سعد" حديثه قائلا: "وطول الوقت الناس بتفكرني بالمشهد ده وكأنه خرج من ذاكرتي لذاكرتهم هما وهو ده اللي طول الوقت باتمناه و بدعي ربنا اني اعمل حاجة تعيش ويفتكرها الناس بعد ما أكون مشيت او توصل بصدق، دعواتكم اني اعرف اعمل ده والمشاهد اللي تعبت فيها. تكون جزء من الذاكرة مش تبقي لحظة وخلاص".
تابعوا آخر أهل مصر على Google News
