علق الإعلامي مصطفى بكري على حفل الفنانة العالمية جينيفر لوبيز بمدينة العلمين الجديدة، مؤكدًا أن المصريين دفعوا على الحفل 210 ملايين جنيه "علشان يتفرجوا على واحدة تعتبر إسرائيل هي قبلتها وعلشان واحدة بترقص".
وأضاف خلال تقديمه برنامج "حقائق وأسرار"، المذاع على قناة "صدى البلد": "ياترى اللي دفعوا الفلوس دي دفعوا كام علشان حادث مستشفى الأورام؛ والناس اتبرعت ولأ لكن ناس كتير فضلت تحضر الحفل ومدفعتش لمعهد الأورام، محدش ضد حرية حد ولكن هذا السفه وهذا الابتزال يستفز طبقات نايمة في المجتمع أرجوكم ليه إحنا كده".
وتابع: "ارجوكم ما تستفزوش الناس خلوا سلوككم حضاري أخلاقي وساعدوا بلادكم علشان تطلع للأمام توقفوا عن أنواع الفساد المالي والإداري اللي للأسف بقى سمة لبعض الفئات".
واختتم: "ومش هنكفر بشعب مصر لأنه عنده القيم والتاريخ، شعب مصر شعب عظيم وفيه جيش رائع وشرطة قوية ويلتزمون بالعدل والنزاهة، جميعهم يعرفون قيمة هذا الوطن".
تابعوا آخر أهل مصر على Google News
