رد لاعب كرة القدم المعتزل أحمد حسن نجم منتخب مصر السابق، على تصريحات الإعلامية ريهام سعيد عن أصحاب السمنة ووصفها لهم بأنهم ميتون وعبء على الدولة، من خلال حسابه الرسمي على موقع الصور والفيديوهات الشهير "إنستجرام".
أحمد حسن يرد على الاعلامية ريهام سعيد بصورة مع والدته
وعلق أحمد حسن على الصورة قائلا: "الأستاذة ريهام سعيد خرجت علينا وقالت بالنص "الناس التخينة ميتة، عبء على أهلها وعلى الدولة، وبيشوهوا المنظر"، "منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك". بصي يا ريهام هكلمك عملي وبدون تنظير.. شايفة الست القمر السمينة دي! تبقى أمي وفي زيها ملايين من أمهاتنا واخواتنا العظيمات إللي جابوا رؤساء وعلماء ومبدعين و رياضيين وفنانين و إعلاميين للأسف انتي واحدة منهم وناجحين في كل المجالات في البلد".
اقرأ ايضا: وقف برنامج صبايا لريهام سعيد بعد تصريحاتها بشأن مرضى السمنة
وتابع أحمد حسن حديثه: "الناس دي تعبوا وشقوا وعرقوا واشتغلوا وقعدوا على ولادهم وعلموهم وحاجات كتيرة فى مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة الناس دي اللي انتي متعرفيش عنهم وعن ظروفهم حاجة انتي اتكلمتي عنهم بسوء لأنك بإختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا".
وأختتم "حسن" قائلا: "يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا، نصيحة لوجه الله على الملأ زي كلامك ما كان على الملأ .. راجعي نفسك وحاولي تعتذري لكل الناس اللي زعلتيهم جايز يسامحوكي".
تابعوا آخر أهل مصر على Google News
