نشرت الفنانة سما المصري، مقطع فيديو عبر حسابها الرسمي على موقع الفيديوهات "يوتيوب"، ردت فيه على الاتهامات التي وجهتها لها الإعلامية ريهام سعيد بسرقتها والنصب عليها، في مقطع فيديو لريهام سعيد للرد على وقفها عن مزاولة الإعلام لمدة عام، من قبل المجلس الأعلي لتنظيم الإعلام.
سما المصري ترد على ريهام سعيد
وردت سما المصري على ريهام سعيد قائلة: "ريهام سعيد جابت سيريتي وقالت أني ابتزتها وخدت منها فلوس، مبدئيا انا مش هنكر اني اخدت منك فلوس في موضوع فتاة المول، هو انا خدت فلوس ليه؟ دفعتي ليه؟ هو مش لازم تقولي للناس ليه اخدت منك فلوس ومقابل ايه؟، انا كنت رافعة عليكي قضايا كتير كان أهمها موضوع بتاع كنت هاجي معاكي حلقة في برنامجك أيام انتخابات النواب لما كنت مرشحة نفسي 2015 وكنت خدت عربون الحلقة واتفقت معاكي على رقم وخدت عربون 10 آلاف جنيه".
واضافت سما المصري: "انتي قليتي ادبك قبل ماجي الحلقة فاعتذرت عن الحلقة وبلغت قناة النهار وقلتلهم هرجع الفلوس امتي وازاي قالوا مفيش مشكلة، فاجات بعد كدة ريهام سعيد اتكلمت في حقي كتير ولما مرحتش الحلقة اعترضت وقالت انتي خدتي 10 آلاف جنيه رجعي الفلوس والكاميرات صورتك".
اقرأ ايضا: سما المصري ترد على ريهام سعيد: لازم تقولي أخدت منك فلوس ليه ومقابل ايه؟ (فيديو)
وتابعت سما المصري: "قرارا ايقافها فيه بلاوي منها الأسلوب الرخيص اللي بتتكلم بيه ريهام سعيد سبة في حقها وحق الإعلام، سبة لما يتقال ان مذيعة بتستخدم طريقتها الرخيصة في انتقاد الناس وده موجود فى الحيثيات بتاع حكم الإيقاف .. فدي طريقة رخيصة جدا فنقض الناس، مش انا اللي بقول كده ده المجلس الأعلى للإعلام، في الحيثيات الحيثيات اللي لو قريتيها هتتكسفي من نفسك".
تابعوا آخر أهل مصر على Google News
