أمي

أمـــــــــى

كتبت ياما وشويه قصيدة وقصدتين

قالوا لي اكتب عنها حتى لو سطرين

أمك يا بنى اجبر خاطرها بكلمتين

شقيانه ليها سنين

كنت تقع وتمشى خطوتين

كنت تتكلم تطلع منك ضحكه وضحكتين

كات تقهقه كات براءتك براءة عيال صغيرين

وفي قلبها بدل المحبة محبتين

ادعلها حتى دعوتين

يطولك في عمرها ويحميها من العين

... اكتب عن سهرها في الليالي

عن فكرها اللي عمره مـ بات خالي

عن ليالي البرد لما بتكون فـ حضنها دافي

إزاى نســــيت ولا انت كده مع صحابك مااااشـــــــى س

ارجع يا بنى ومتكونش فـ الحياة ساهى

فـ الغربة مفيش صاحبي ولا مالي

ارجع لجل تاخدك في حضنها من تانى

حبها ليك شيء خارق عن العادي

بتعاتبك من ورا جوابتك

وفي وشك بتكون ضحكالك

بتنسى زعلها منك

مع اول كلمه بتقرهالك

فاكرة كل تفاصيلك

وفي صلاتها دايما بتدعيلك

يحميك من اللـ كرهينك

روحلها و بوس على ايدها

تأخيرك و فراقك ده مش هين عليها

................ أمــــــــى ............

صحونى .. فوقونى بكلامهم

ده وشم فوق الجلد مش هيروووح

خط احمر ما بنا ضروري محطوط

عبور الخط ده تملى مسموح

حدود الحب بنا أكبر كتير من خط

حاولت اشيل الوشم

و مبيروحش ...علامة استيكه بعد الرصاااص

حب ثابت فـ قلبى :::: دم بيجرى في عروقى

قولت هجرى هروووح و عمرى مـ همشى ... الحقها قبل مـ تنام

كنت بجرى كل خطوه معاها فرحه

السعاده بينى و بنها وراثه

اللقا كان بنا عاده

وصلت .. خبطت عـ الباب جامد .. خبطت تانى .. و بزياده

ايوا هى عرفانى بالغلاسه

فتحوا الباب لقيت زحمه .....

يااااااااااااا يا زمانى على زكريات جرانى

رجعت للزحمه ديا من تانى

كركبه و البيت كان فوقانى تحتانى

كنت حاسس امى لمت الجيران لما حست انى راجع

محتااج حمايه امى باين زى زمان هتلعب معايا استغمايه

دققت فـ الزحمه .. شوفت جارتنا اللى مربيانى .. فين امى يا خاله تهانى

جريت على اوضتها .. كات نايمه على سريرها

لسه ياما بتنامى بدرى ؟ . يلا قومى لسه بدرى !!!

سمعت صوتها رن فـ ودانى ... مكانتش بصاااااااالى

صوتها كان فـ شيء ...... برئ

قلى داب دوبة الحبيب

بدأت افهم حبه حبه ؟

و فهمت ليه بتنا زحمه

عرفت ليه العبايه سمره

بس قومى لسه بدرى .. بصى بصه على ملامحى ... شوفى ازاى اتغير شكلى ....... اهو لابسلك قميص ذى مـ بتحبى ...

انشغالى عنك ده غلطه منى ... بعدى عنك ندمت عليه ندم عمرى

بس قوووووومى مشتقلك اوى قلبى

استنى هقولك ..

امنعينى من كل احلامى

و زرينى انتى بس من منامى

هقعد هنا مكانى .. و اللى باقى منك هكمل بيه حيااااتى

هفتكر طيبتك و شويه من حنانك .. يهونوا عليا الباقى

هفتكر نصايحك لجل اقوى من تانى

نسيتك بزياااااده .. مـ الليله دى مش هنساكى

و ده اتفاقى معاكى

بس قومى شويه و روحى تانى ...

خدونى في حضنك و ودعينى .. ابوس عـ راسك و تسامحينى

و بعدها امشى و سبينى

هى سمعت كل كلمه قولتلها

اتفاقى معاها ذى مـ يكون عجبها

كات بتضحك .. ذى الملايكه

مش بقول ان امى خديجه .. بس يوم مـ كنت ببقى في ضيقه .. كانت ليا الصديقه

ايوه كنت بعيد .. بس هى روحنا كانت واحده

بس اهى مشيت و هى اللـ بعدت ....

ــــــــــ باين عليا انى عيان ... بقيت بقايا انسااان ..

لما قالولى اكتب عنها سطرين ... كانوا قاصدين الحنان .. الحضن و اللقا

من يومها مبقتش اكتب غير عن امـــى

لكن بكتب عن البعد .. الفقد و الاشتياق ــــــــــــ

أمــــــــــــــــــــــــــــــــــــــــــــــــــــــــــــــــــــــــــي