نشر الفنان أحمد السعدني عبر حسابه الرسمي على موقع التواصل الاجتماعي "فيس بوك"، منشورا أوضح فيه كيف تعامل مع من وجهوا له الشتائم والسباب بعد المنشور الذي تحدث فيه عن زوجته السابقة الراحلة، التي توفيت منذ نحو ثلاثة أسابيع.
أحمد السعدني يرد على الشتائم التي تعرض لها من متابعيها
وقال أحمد السعدني: "طول عمري مبيفرقش معايا كلام الناس و كنت بلوم صحابي زي احمد فهمي مثلاً انه بيقعد يشتم الناس اللي بتشتمه و اقوله انت بتقرا ليه اصلاً كبر دماغك !! عمري ما اهتميت إقرأ التعليقات السلبيه او يمكن كنت محظوظ اني مكنتش بشوفها او يمكن مكنش حد بيغلط فيا !! .. الحقيقه معرفش الوضع كان ايه لكن بعد البوست الطويل اللي انا كتبته لصاحبة البوست حبيبتي و ام ولادي رحمة الله عليها و مكنتش مهتم ان حد يقراه و لا كنت عايز اعرف رأي حضراتكم فيه !!".
وتابع أحمد السعدني: "لقيت صحابي قالولي ان في ناس شتمتني استغربت لان اللي اتربينا عليه أنه لا شماته في مواقف معينة
بس مهتمتش برضه لإن اللي فيا مكفيني اساساً..النهارده بالصدفه كنت داخل اكتب تعليق علي مدرب الاهلي الجديد بحاول اكسر حالة الجمود اللي انا فيها و الحمد لله فشلت فشل ذريع اني اكسرها و الفضل لناس المفروض انهم متابعين ليا المفروض برضه انهم بيحبوني يعني امال متابعني ليه عشان يشتموني ؟؟ كلام البعض و اللي اعتقد مخدش منهم ٥ ثواني كتابة، لكن الاكيد انه خد وجع قلب و روح و خد من دمي واعصابي اللي اتحرقوا كتير".
اقرأ ايضا: أول ظهور لـ أحمد السعدني مع نجله بعد وفاة زوجته السابقة
واختتم "السعدني": "انا لا حشتم و لا حعمل بلوك لحد و لا حقفل التعليقات انا حرجع زي ما كنت اكتب وانزل صور لنفسي و لاي حد بيحبني و شخص محترم حتي لو اختلف معايا، و مش عايز الهري ده ينسيني اشكر كل حد قريب مني وقف جنبي في شدتي و كل بعيد كان بيدعي للغاليه بالرحمه و لينا بالصبر، والاهم اني اكتشفت وانا بكتب السطر ده اني كسرت حالة الجمود فعلاً الحمدلله و البوست اللي جاي حيكون عن المدرب بس شكل حظه اداله فرصه معايا اشوفه في الماتشات .. إلي لقاء مش قريب غالباً".
تابعوا آخر أهل مصر على Google News
