عرض الإعلامي خالد أبو بكر تسريباً صوتياً لجماعة الإخوان الإرهابية وهم يوجهون فيه السباب والشتائم إلى قيادات الجماعة الإرهابية، حيث تحدث الإخوانى أسامة عمر مع مسئول لجان الحراك لتدبير أمورهم بعد العمليات الأخيرة وترك الأماكن التى يختبئون بها والهروب إلى السودان.
اقرأ أيضاً..تسريب صوتي لإخواني يصف فيه جماعته بـ "الزبالة" (فيديو)
وجاء كلام مسئول لجنة الحراك للإخواني أسامة عمر، الذى أذاعه برنامج الحياة اليوم تقديم الإعلامي خالد أبو بكر: "على العموم مافيش أى حاجة هتحصل واخد بالك، غير كدا تهريج كله، عايز بقى الناس تصحى، الناس عمرها ما هتصحى، الناس أصلا بتتعامل مع شعب 95 % منه بهايم، واخد بالك مش أكتر من كدا، هتعمل ايه معاهم.
مسئول لجان الحراك: السؤال مفيش حاجة هيعملوها؟
الإخوانى أسامة عمر: يعلم الله مفيش حاجة، متعملش أى حاجة وحافظ على نفسك
مسئول لجان الحراك: اللى عايز يعمل حاجة يعمل حاجة صغيرة كدا وانت عارف ازاى مع نفسه، اتنين تلاته مع نفسك متحكيش أى حاجة هنا.
الإخوانى أسامة عمر: يعني مننزلش؟
مسئول لجان الحراك: طب انت عارف أبو عبيدة راح فين؟
الإخوانى أسامة عمر: راح فين؟
مسئول لجان الحراك: انت كنت اتكلمت معاه؟
الإخوانى أسامة عمر: طبعا.
مسئول لجان الحراك: قالك ايه.. اخر مرة اتكلمت معاه امتى؟
الإخوانى أسامة عمر: اخر مرة اتكلمت معاه قالى جهز نفسك عشان ان شاء الله عندنا شغل.
مسئول لجان الحراك: وبعدين؟
الإخوانى أسامة عمر: بيجهزلى مكان عشان نعمل شغل تحت عربيات بتاعة ناس قضاة.
تابعوا آخر أهل مصر على Google News
