تسريب صوتي لمدير مكتب أيمن نور وعبد الله الشريف: عايزينك تسخن الناس (فيديو)

عرض الإعلامي تامر أمين تسريباً صوتياً لمدير مكتب أيمن نور، الناقل لأوامر أيمن نور، إلى الهارب عبد الله الشريف.

 

اقرأ أيضاً.. تسريب يكشف مؤامرة قطرية ليبية ضد مصر والسعودية

وجاء نص التسريب بين الجانبين الذى عرضه "أمين" خلال تقديمه لحلقة، اليوم الأربعاء، من برنامج آخر النهار المذاع عبر فضائية النهار:

مدير مكتب أيمن نور: "الدكتور أيمن مكلفني إني أبلغك كام نقطة كده واظبطهم معاك".

الهارب عبد الله الشريف: " تحت أمرك أؤمرني"

مدير مكتب أيمن نور: "احنا عايزين نستغل النجاح اللي حصل على السوشيال ميديا الفترة اللى فاتت ونشتغل عليها أكتر، احنا عندنا الفترة اللى لحد يوم الجمعة اللي جاية عايزين نكون شغال 24 ساعة، عاوزين نستغل السوشيال ميديا سواء الفيس بوك، أو تويتر، أو اليوتيوب، في حساباتك الرسمية أو الحسابات اللى احنا شرينهالك".

الهارب عبد الله الشريف: "آه يعنى أنا أنزل تويتة على تويتر وكده".

مدير مكتب أيمن نور: "ظبط بقي دى لعبتك انت ظبط براحتك، احنا عايزينك تسخن الناس على قد ما تقدر عشان عايزين على يوم الجمعة نكون عملنا أكبر قدر من الحشد، وانت عارف بقي الدنيا بتولع ازاي، المهم انت هتشتغل على القصور بتاعته عشان هو مش قالك أنا هبني قصور للشعب خلى بقي الشعب يشاركه في القصور خليه يولع في القصور وفي نفسه".

الهارب عبد الله الشريف: "هو احنا يا مؤمنين بقينا جامدين أوي كده، بقيني عارفين القصور بتاعته وهي فين وأماكنها فين".

مدير مكتب أيمن عمر: "لا استراحة المعمورة بقت فيلم حمضان وعمرو أديب حرقها، احنا هنركز على قصور العالمين، القصور بتاعته ولا مش بتاعته مش قصتنا، المهم اننا نولع الدنيا ونخلي الشعب يولع فيه وفي القصور اللى احنا هنكشفها لهم".

الهارب عبد الله الشريف: "هو ابن حلال ويستاهل كل خير، هو ابن حلال ويستاهل كل خير".