"طلعت زكريا مش أبوها".. الجمهور يتساءل من هو والد هنا الزاهد الحقيقي.. والممثلة تُجيب بالدموع: "مسمحاك يا بابا"

تعيش الفنانة هنا الزاهد حالة من الحزن الشديد والإنهيار بعد وفاة الفنان طلعت زكريا، ورافقته إلى مثواه الأخير حيث تم تشييع جثمانه من محافظة الاسكندرية اليوم الاربعاء عقب صلاة الظهر، وكانت هنا الزاهد دائمًا تصف طلعت زكريا بأنه والدها وسندها، مما جعل بعض مستخدمي مواقع السوشيال ميديا يتسائلون عن إذا كان طلعت زكريا هو والد هنا الزاهد الحقيقي أم لا؟

هنا الزاهد

طلعت زكريا

الحقيقة هي أن طلعت زكريا هو زوج شيرين المنزلاوي والدة هنا الزاهد وليس والدها الحقيقي، ولكنه قام بتربيتها هي وشقيقتيها فرح ونور منذ طفولتهن، ولهذا تحبه هنا الزاهد كثيرًا وتعتبره مثل والدها، حيث أنها حُرمت من حنان الأب الحقيقي منذ طفولتها.

والد هنا الزاهد

وكشفت هنا الزاهد سر اختفاء والدها الحقيقي أثناء استضافتها في شهر رمضان الماضي ببرنامج "حلوة رمضان" الذي تقدمه خبيرة التجميل الخليجية فاطمة المهنا، حيث وجهت هنا الزاهد رسالة له وقالت: "ناس كتير كانت بتسألني فين بباكي وليه مبتتصوريش معاه، أنا عايزة اقولك أنا بحبك جدًا".

وتابعت هنا الزاهد: "أنا والدي ووالدتي منفصلين من وأنا عندي 10 سنين وفرح أختي كان عندها 8 ونور 3 سنين، وعشنا من غيره وكبرنا ووصلنا لمرحلة المراهقة من غيره، وصولًا إلى الجامعة وبعدين لما اشتغلت الحاجة اللي بحبها كان من غيره، فهو مشافش حاجات وتفاصيل كتير اوي في حياتنا".

رسالة هنا الزاهد لوالدها

واستكملت هنا الزاهد رسالتها لوالدها وقالت: "أنا مسمحاك ان انت مكنتش معانا الأيام دي وكان نفسي تكون معايا، وعارفة إن انت بتحبني أوي ومبسوط وفخور بيا وأنا كمان بحبك أوي، وأنا لما بدأت شغل اللي بحبه وعروض قوية زي مع عادل إمام كنت بتنطط على السرير مع ماما وفرح ونور وكان نفسي تكون موجود وتشاركني الإحساس ده لأن انت فاتك كتير أوي في حياتنا وأنا عارفة إنه مش بإيدك بس كان نفسي أشاركك في كل حاجة في حياتي".

أخوات هنا الزاهد من والدها 

وتحدثت هنا الزاهد عن أخواتها من أبيها وقالت: "انا عايزاك تسامحني عشان مكنتش بسأل على ملك ومصطفى أخواتي وأنا هسأل عليك أكتر من كده وأنا نفسي تبقى قريب مني زي ماما بالظبط، وأنا بحبك جدًا عشان انت أعظم أب في الدنيا".

وفاة طلعت زكريا

يشار إلى أن الفنان طلعت زكريا توفى أمس الثلاثاء بعد تدهور حالته الصحية، ولهذا كتبت هنا الزاهد رسالة مؤثرة له عبر حسابها بموقع الصور والفيديوهات الشهير "إنستجرام"، وهي: " دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين".

وتابعت هنا الزاهد: "انا فاتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك، عمري مقولت اصلا تقريبا بابا غير ليك، كنت بجري عليك اول معمل حاجة غلط عشان تدافع عني قدام ماما، فكرة اول بيض اومليت وقولتلي اعملي مطعم بالهنا و الشفاه واديتني ١٠٠ جنيه عشان تشجعني اطبخ". 

وأضافت: "كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت وعيطت اليوم ده انا عمري محسيت انك مش ابويا اللي مخلفني انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي، ارجو الدعاء".