شن المستشار مرتضى منصور، رئيس نادي الزمالك، هجومًا على محمود الخطيب، رئيس النادي الأهلي بسبب تصريحه الأخير حول عدم خوض النادي مباراة الجونة، قائلا: "الخطيب أعلن عدم لعب مباراة الجونة، بتراهن معاك أنك تلعب ماتش الجونة أنت جدع ودكر ومش بترجع لكلامك أنت قولت مش هلعب وقلت لو السما انطبقت على الأرض، ولو روحت ماتش الجونة يبقى الأقرب الاستقالة، وأنا عارف أنك مش هتلعب ماتش الجونة".
وتابع مرتضى منصور، فى مداخلة هاتفية لقناة الحدث اليوم، خلال برنامج خالد الغندور "الزمالك اليوم: "الخطيب أعلن فى كل الجرايد وقال مش هلعب ماتش الجونة عايز اقوله أنا المتضرر، أنت أخدت إجازة أسبوعين أنا مخدتش إجازة وعندي مصابين وهقابل فريق السنغال، شيكابالا ومحمد حسن ومحمود عبد العزيز، واحتراما لأمن البلد واحترامى أنا مش بتعامل مع عمرو الجنايني ولكن بتعامل مع اتخاد القرار بعتبره ظالم".
وأكمل مرتضى منصور: "بلعب على استاد السلام ومش ملعبي، ليس خوفا من الأمن ولكن احترام للبلد، هلعب مباراة السنغال وهستقبل الفريق السنغالي أحسن استقبال، رغم أننا بنلعب في ظروف صعبة".
تابعوا آخر أهل مصر على Google News
