اعتذر مطرب المهرجانات الشعبية حمو بيكا لنقيب الموسيقيين الفنان هاني شاكر، فى مقطع فيديو له نشره عبر حسابه الشخصي بموقع التواصل الإجتماعي فيسبوك.
اقرأ أيضا.. هاني شاكر: "حمو بيكا مش هيغني طول ما أنا في النقابة" (فيديو)
وقال حمو بيكا في الفيديو: "انا بتأسفلك يا أستاذ هاني شاكر انت امير الغناء العربي، وأنا مكنش قصدي إني أزعلك، كان كل هدفي إني أكل عيش، أنا معايا 20 فرد بياكلوا عيش، ناس فاتحة بيوت وبتصرف على عائلاتها، أنا اللي خلاني اضايقت وأنزل الفيديو أني لفيت 8 ساعات، وشغلي كله كان واقف، وأنا إللي كنت عايز أعمله أني امشي قانوني واعمل تصريح وأنزل أشتغل ومكنش قصدي أني أزعلك أو اعمل حاجه".
وتابع: "أنا بحبك واحنا عيالك يا استاذ هاني، انا كان كل هدفي اني صوتي يوصلك، وقدام الناس كلها بقولك أنا اسف ليك، ولو عايزني أجيلك او أطلع على الهواء اتأسفلك هطلع، أنا بقالي 6 شهور واقف عن العمل، والناس اللي معايا مقدرش امشيهم، أحنا نروح فين دي بلدنا واحنا اخترنا فن الناس بتحبه وبتفرح بيه عمرنا ماضايقنا حد، وقدمنا محتوى تاني وبقينا ناخد بالنا من الكلام، وبقيت بنقي الكلام الصح".
وأضاف: "في شباب نفسها أنها تتجوز وتكون نفسها، كان يهمنا اننا نشتغل بالحلال، وانا تعبت وكافحت، ابويا رباني وطلعني اني مقولش لحد عايز حاجه، وبنيت المكان اللي بقيت فيه بعد سنين كتيرة، كان حلمي إني أعمل حاجة والحمد لله حققت نسبة نجاح كبيرة، وبقى ليا أطفال وشباب وبنات كتيرة بتحبني".
يشار إلى أنه أصدرت نقابة الموسيقين قراراً بمنع 16 مطرب مهرجانات من الغناء او اقامة حفلات وابلغت جميع مدريات الامن بكل الجمهوريه وهم: "حمو بيكا / مجدي شطة / حنجرة / كزبرة /الزعيم /بصلة /الصواريخ/ العفاريت/ وزة/ مطرية/ الديزل/ العصابة/ عمرو حاحا/ علاء فيفتي /شواحة /الكعب العالي /ابوليلة /اندرو الحاوي"، وتكون العقوبة بالحبس من شهر الي 3 أشهر وغرامة من 10 الي 50 الف جنيه.
تابعوا آخر أهل مصر على Google News
