روى أحمد سمير، المصاب في حادث قطار طنطا، تفاصيل الحادث، خلال مداخلة هاتفية مع الإعلامي شريف عامر في برنامج " يحدث في مصر " المذاع على قناة " إم بي سي مصر"، قائلا:" كنت متوجه مع صديقي المتوفي للعمل في الإسكندرية ولكننا لم نعمل بسبب سوء الأحوال الجوية وقررنا العودة إلى منازلنا ومكنش معايا فلوس وكان معانا 30 جنيه فقط".
وأضاف:"اضطرينا إلى ركوب القطار المكيف VIP، لأنه كان الوحيد المتجه على القاهرة".
وتابع:" قلنا لكمساري القطار إننا مش معانا فلوس، وقلت له إحنا كنا رايحين نشتغل في الإسكندرية ولكننا مشتغلناش ورجعنا بالشغل كله ومش معانا فلوس، فقال لنا رئيس القطار هاتوا بطاقات تحقيق الشخصية، وصديقي محمد قال له اعتبرنا زي اخواتك".
واكمل:" رئيس القطار كان بيعلى صوته جامد فينا، ورئيس القطار قال لنا نطوا من القطار بوشكوا، وفتح لنا الباب بيده، وآخر كلمة قالها محمد «هو القطر ده مفيهوش رجولة وجدعنة ولا ايه يا جدعان"، مضيفا:" قفزت من القطار لأنني خفت من البهدلة".
وأردف:" بعدما قفزت من القطار مكنتش شايف حاجة لان الدنيا كانت ضلمة، وكنت عايز اتصل بمحمد أطمن عليه ورد عليا أحد الأشخاص وقال لي صاحبك مات"، مضيفا:" أصبت بحالة هيستيريا وكنت عايز اموت نفسي".
تابعوا آخر أهل مصر على Google News
