بعد فترة كبيرة من الغياب.. حقيقة عودة هدى رمزي للفن مجددا

كشف الفنان شريف رمزي عن حقيقة عودة عمته الفنانة هدى رمزي للفن، بعد فترة طويلة من ارتداءها الحجاب والاعتزال والابتعاد عن الأضواء .

وقال شريف رمزي في تصريحات صحفية: "عمتي توأم ابويا الناس كتير متعرفش الموضوع ده.. حبيبتي وحبيبة الكل ست بحبها جدا جدا ومن الناس اللي بحب اخد ارائهم واتكلم معاهم.. بحبها جدا اعتزلت من سنين طويلة و اتحجبت واعتزلت وسابت الفن في فترة قديمة".

وتابع شريف رمزي قائلا: "ومعندهاش رغبة للرجوع تاني رغم ان طول الوقت كان بيجلها عروض وحاجات وفترة كانت المحجبات ديما بيرجعو وفيه منهم عمل اعمال هي لا فضلت انها تكمل الابتعاد وشافت ان مش وقتها ومش جيلها مش وضع تقدر تكمل فيه لأنها اشتغلت مع عظماء كبار جدا".

واردف رمزي قائلا: "ودي رغبتها الشخصية ومحدش حاول يضغط عليها لا انا ولا حسن ابنها ولا اي حد من العيلة.. لكن النهاردة هي بتمارس دور العمة والأم والصديقة ست بحبها جدا واتمني انها ترجع وقولتلها لو هترجعي ارجعي في فيلم أنا فيه تعمليلي شرف كبير لكن لا مفيش رغبة للرجوع".