نعت الفنانة دينا الشربيني صديقها الممثل الراحل هيثم أحمد زكي عبر حسابها بموقع الصور والفيديوهات الشهير "إنستجرام"، وكتبت كلمات مؤثرة ومبكية، وقالت: " أنا مبعرفش اكتب ولا عمرى كتبت ..بس أنا مش قادرة اصدق أنى مش هشوفك تانى!! ولا هتكلمني في التليفون تانى وتقولى يالا نتقابل.. ولو مردتش عليك الاقيك بعتلى مسدج بتقللى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجه".
اقرأ أيضًا.. أول صورة لـ أخو هيثم أحمد زكى من والدته.. لا يوجد شبه بينهما
دينا الشربيني
هيثم احمد زكي
وتابعت: "طول اليوم كنت بهرب من أنى اصدق ان ده حصلك أنت ياهيثم...لحد ما جيت انام دلوقتي ومش هاين عليا أنام واحنا سيبينك لوحدك.. كنت دايما تقلنا كلنا اسألوا عليا لحسن اموت لوحدي و محدش يعرف.. كنت طيب وجدع وحنين وعامل زى العيال الصغيرة ..نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم ان الدنيا مش مستهله".
هيثم احمد زكي شاف أيام صعبة
وأضافت: "هيثم شاف أيام صعبه وضغط كبير من الناس وتنمر ومقارنه مش عادله وللأسف مشفش حب الناس لى الإحنا شايفينه دلوقتي.. أنا عارفه انك فى مكان احسن من الاحنا فيه وسط حبيبك..كان نفسك ترحلهم واديك روحت يا هيثم".
وفاة هيثم احمد زكي
وتوفى هيثم احمد زكي في الساعات الأولى من يوم الخميس 7 نوفمبر، بعد أن حاولت خطيبته الوصول إليه عن طريق الهاتف أكثر من مرة حتى بلغت أمن الكومباود الذي يسكن به لتعثر عليه متوفيًا داخل حمام منزله وتبين أن الوفاة بسبب هبوط حاد في الدورة الدموية، وشيع جثمانه من مسجد مصطفى محمود بالمهندسين وتم دفنه في مقابر أسرته بطريق الفيوم.
عزاء هيثم احمد زكي
وصرحت الفنانة نهال عنبر لـ "أهل مصر" أنه سيقام عزاء الفنان هيثم أحمد زكي يوم السبت المقبل والموافق 9 نوفمبر، من مسجد الشرطة بالشيخ زايد، حيث تتلقى نقابة المهن التمثيلية العزاء فيه.
تابعوا آخر أهل مصر على Google News
