دخلت الإعلامية رضوى الشربيني، في نوبة من البكاء على رحيل الفنان الشاب هيثم أحمد زكي، الذي فارق دنيانا فجر الخميس الماضي بعد تعرضه لهبوط في الدورة الدموية.
وقالت رضوى الشربيني وهي تبكي على الهواء في برنامجها "هي وبس"، المذاع على قناة "سي بي سي سفرة": "إحنا ممكن نموت في أي وقت، والحياة لاهيانا عن حياتنا وعن أصدقائنا وأهلنا، وموت هيثم خلانا عندنا تأنيب ضمير وحاسه بالذنب تجاهه".
وواصلت قائلة: "الناس اللي كانت تعرف هيثم أحمد زكي مكنتش بتسأل عليه، ومحدش فينا مستعد أنه يقابل ربنا والمفروض أكون محجبة والمفروض نبطل كذب ويكون هناك ود ورحمة بين الجميع".
اقرأ ايضا.. رضوى الشربيني: "اللي متعود على الرخيص مايعرفش يصون الغالي"
وتابعت "الشربيني" قائلة: "أنا مش داعية إسلامية ولكن اللي يقدر يقرب من ربنا اكتر يقرب وأنا أولكم ، الموت قريب أوي مننا، ولكل بنت رامية والدتها في دار مسنين اسألي عليها"، مضيفة: "الولد في مقابلة تلفزيونية كان بيقول أنا خايف أموت وحدي ولكنه مات لوحده في شقته بالفعل، ولازم نود بعض ونحافظ على صلة الرحم".
تابعوا آخر أهل مصر على Google News
