شارك الفنان محمد محمود عبد العزيز، جمهوره بصورة لوالدة النجم الراحل محمود عبد العزيز برفقة الفنان الراحل هيثم احمد زكي، وذلك عبر حسابه الشخصي بموقع تبادل الصور والفيديوهات الشهير إنستجرام.
اقرأ أيضا.. الظهور الأول لرامي شقيق الفنان الراحل هيثم أحمد زكى (صور)
وعلق على الصورة قائلاً: "النهارده و انا قاعد فى العزاء كذا مره احس ان فى حاجه غلط، و كل شويه ابص فى وشوش الناس اللى داخله و كأنى مستنى اشوف وش هيثم و انسى تماما ان اللى انا قاعد فيه ده عزاه و انسى انه سبقنى و راح للحبايب" .
وتابع: "رغم اننا اخر سنتين بالذات كنا بنتكلم كتير لكن المكالمه الاخيره ليها وقع خاص جداً، يمكن لأنها الاخيره او يمكن لأننا غوطنا فى حاجات كتير قديمه و جديده، حاجات فى الشغل، حاجات بتفرحنا و بتزعلنا حتى لو كانت تافهه و اتتريقنا على روحنا و حاجات عن اهلنا خصوصاً أبهاتنا او يمكن لأننا اتكلمنا فى حاجات ليها علاقه بربنا والموت والحياه، مش عارف".
واضاف: "شهر ١١ بالنسبالى من الاشهر الصعبه عليا اوى، و فى عز ما انا بحاول تأهيل نفسى نفسياً لإستقبال يوم ١٢ نوفمبر اللى هو يوم سنوية ابويا حصل موضوع هيثم يوم ٧ نوفمبر، اللهم لا اعتراض، الحمد لله على كل حال، الله يرحم ابويا و ابوك و يرحمك يا هيثم يا اخويا ويجمعنا ببعض على خير، اللهم اغفر لنا وارحمنا واهدينا اليك ولا تردنا إليك إلا وأنت راضى عنا يا رب العالمين، (اسألكم الفاتحه والدعاء لأبويا و للأستاذ أحمد زكى ولأخويا هيثم أحمد زكى ولكل من رحلوا عنا)".
وأكدت الفنانة زينة، على كلام محمد، وعلقت على منشوره قائلة: "أستغفر الله العظيم نفس الإحساس كان عندي اللهم لا اعتراض".
تابعوا آخر أهل مصر على Google News
