روجينا عن أشرف زكي: "اللي بيعملوا جوزي هيترد ليا أنا وبناته"

ردد الكثير من نجوم الوسط الفني اسم الفنان أشرف زكي نقيب الممثلين في الساعات الأخير، وذلك بعد وقوفه في جنازة وعزاء هيثم أحمد زكي وكأنه ابنه، لذا قامت الفنانة روجينا بكتابة كلمات رومانسية لزوجها أشرف زكي عبر حسابها بموقع الصور والفيديوهات الشهير "إنستجرام"، وكتبت: " ما انا كنت صغيرة ومش فاهمة وبحبة وانانية وعايزاة جنبى باستمرار وكانت كل مشكلنا اول الجواز انت بتفضل النقابة عليا يعنى ممكن يلغى معاد مهم ليا عشان رايح مستشفى او بيحل مشكلة فى تصوير او فية واجب عزا لغاية ما ربنا حب يعلمنى او يأدبنى او يربينى ماهو تربيته اعظم تربية فيحصلى حادثة موت واقعدفى المستشفى اربعين يوم ماهونش عليا غير اهلى والناس وزميلى ووقفهم جنبى".

أشرف زكي وروجينا

وتابعت روجينا حديثها عن أشرف زكي: "مكنش فية حاجة اسمها وقت زيارة الناس على طول موجودة والله على جبر الخاطر والناس بتطبط عليك وانت فى اشد الاحتياج لداالناس دى ماكنش بتجيلى انا كانت بتيجى لاشرف لانها كانت بترد اللى بيعملة معاهم لان هو كل سعادتة فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة مافرق بين كبير وصغير من ساعة الدرس دا اتعلمت انوا فية حد فى الدنيا يبقى هو الامان السند هو دا اللى هكلمة اول مايحصلى حاجة دا نقيبى اشرف ذكى واتعلمت كمان ان بيعملوا اشرف جوزى هيترد ليا انا وبناته وهيبقى فى ميزان حسناتك هعيش انا وبناتك فخورين بيك يا حبيبى ربنا يحفظك لنا ويديك الصحة وطولة العمر".