عبرت الإعلامية أسما شريف منير عن حزنها من الهجوم الذي شن عليها مؤخرا، بعد تصريحاتها عن الشيخ محمد متولي الشعراوي التي وصفته بـ "المتطرف"، لكنها عادت واعتذرت عن ما بدر منها من تصريحات، ونشرت أسما شريف منير عبر حسابها الرسمي على موقع التواصل الاجتماعي "فيس بوك"، قائلة: "لكل شخص شتمني و لسه بيشتم و خاض في شرفي الله يسامحك، بس أرجو بلاش شتيمه في أمي لانها متوفيه، شكراً".
وقالت أسماء شريف منير تعليق لها أيضا على المنشور: " لما لم اوفق في عن تعبيري عن أحد آراء شيخنا الجليل، انتم شايفين ان الصح أني اتشتم كم الشتايم دي انا و اهلي، هل الصح انهم ينادوا بقطع عيشي، هل الصح إني اتحاكم و اتقتل و اتشنق ده كلام ناس بجد مش مجازاً هل بنتي تتيتم عشان قولت كلمه لم أقصدها و اعتذرت عليها، محدش فاهم يعني ايه تكون بتتهاجم من الآفات مرة واحدة بالعنف ده و كله بيفسر علي مزاجه".
وتابعت قائلة: "مره قالوا عليا راقصة و كلام قبيح اوي مش هعرف أقولوا و مره قالوا إني عايزة شهره و قالوا إن الدولة مخلياني اعمل كده وقالوا إني كافرة و شتموني و شتموا أمي الله يرحمها و أبويا حتى اختي الصغيرة ، لو حد فيكم غلط اتنين تلاته هينصحوك او حتى هيتخنقوا معاك بس عشان انا تحت الأنظار في كم من البشر فاجأه قرارو يربوني و يجلدوني، و في ناس بتقولي انا كنت بحبك و دلوقتي كرهتك، يبقى مكنش حب خالص بقي لو كنتي فعلاً بتحبيني كنتي لومتيني، فهمتيني او زعلتي مني و عتبتيني لكن كرهتيني و بتشتميني كمان، أنتي لو اختك غلطت كنتي عملتي معاها كده".
اقرأ ايضا.. لإهانتها الشيخ الشعراوي.. بلاغ للنائب العام ضد أسما شريف منير
وواصلت حديثها: "في صحفيين ماراعوش ربنا في كتابته للخبر كل اللي همه السبق الصحفي.. انا اتعلمت كتير من الغلط ده و اتصدمت برضه كتير.. يا ريت تتعاملوا مع الموقف زي ما دين الإسلام علمك، انا لو كنت كافرة مش دي الطريقة الصحيحة لعقابي او هديتي.. اتقوا الله و خلي في قلبكم رحمه و مغفره و حب و تسامح زي سيدنا رسول الله علي أفضل الصلاة و السلام.
ربنا يسامح كل اللي غلط فيا، توكلت عليك يا رب و فوضت امري ليك".
تابعوا آخر أهل مصر على Google News
