تامر حسني لـ رامي جمال بعد إصابته بالبهاق: "تعبك لا هو مؤذي ولا مُعدي"

كتب : دينا دهب

دعم الكثيرون من أهل الفن الفنان رامي جمال بعد أن كشف اصابته بمرض البهاق، وشجعوه على الإستمرارية في نجاحاته بالغناء ونصحوه بأن لا يتلفت لما يُقال عن هذا المرض، ومن هؤلاء الداعمين الفنان تامر حسني، إليسا، رانيا البحيري وآخرين، وذلك بجانب جمهوره الذي دعمه بكلمات مليئة بالطاقة الإيجابية حتى أصبح اسمه يتصدر تريند محرك البحث الشهير "جوجل".

رامي جمال

مرض رامي جمال

وكتب تامر حسني عبر حسابه بموقع الصور والفيديوهات "إنستجرام": " إلى الفنان الكبير و الصديق الحقيقي و المحترم رامي جمال يا حبيبي أنت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك ، و تعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي أو مادي كل شخص جواه وجع من حاجه معينه المهم أننا نبص و نتعلم من اللي ظروفهم أصعب مننا و رغم كدا عندهم صبر و بينجحوا في الإختبار و بيقولوا الحمدلله و مكملين و عندهم إراده و بينجحوا أكتر من الأول".

تدوينة تامر حسني لـ رامي جمال

وتابع تامر: "لازم تكمل نجاح يا رامي و شيل أي هلاوس من دماغك و إوعى تخبي نفسك اللي بيحبك بيحبك لشخصك و فنك صدقني دي حاجه عاديه يا رامي والله ملهاش أي تأثير لا عليك ولا على جمهورك بالعكس بقى أنت أكيد شايف الناس كلها طيبين أزاي و نفسهم يفرحوك و بعدين إفتكر إن مايكل چاكسون جاله نفس اللي جالك و بقى أسطوره مبتتكررش خااااالص وانت فنان و عارف ...أنا واثق إنك مؤمن و بتحمد ربنا و هتقوم و هتكمل و هفكرك قدام كل الناس اللي شايفه كلامي إنك هتنجح أكتر و أكتر و ربنا هيكرمك أجمل كرم و هتشوف قريب بحبك يا رامي".رامي جمال يصاب بالبهاق

رامي جمال يكشف إصابته بالبهاق

وكان الفنان رامي جمال كشف إصابته بمرض البهاق عبر حسابه بموقع التواصل الإجتماعي "فيسبوك"، وتحدث عن الصعوبات التي واجهته بعد إصابته بالمرض منذ عام ومحاولته لإخفاءه.صور رامي جمال