حرص الفنان رامي صبري على دعم ومساندة صديقه المطرب رامي جمال، بعدما كشف الأخير أمس عن إصابته بمرض "البهاق"، وتفكيره في الاعتزال تجنبا لرد فعل الناس، ونشر رامي صبري صورة له مع رامي جمال عبر حسابه الرسمي على موقع تبادل الصورة والفيديوهات الشهير "إنستجرام"، وعلق قائلا: "ألف سلامة عليك يا روما يا حبيبي وسيبك من الناس وكلام الناس عشان لو ركزنا مع كلامهم مش هنشتغل ومش هنعمل حاجة في حياتنا".
وتابع "صبري" قائلا: "احنا كفنانين اتكتب علينا اننا نشوف شتيمتنا والكلام السخيف ب عينينا ونسكت عشان الفنان مينفعش يرد الإساءة بالإساءة زيها ولكن ربنا موجود وكبير ف عايزك تشد حيلك كده يا قوي يا جامد وتسمعنا فنك الجميل يا حبيبي".
وكشف أمس رامي جمال عن إصابته بهذا المرض من خلال حسابه الشخصي على فيس بوك" قائلا: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".
وتابع رامي جمال قائلا: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".
وواصل قائلا: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".
اقرأ أيضا..قبل رامي جمال.. مشاهير أصيبوا بمرض "البهاق"
وانهي حديثه: "لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".
تابعوا آخر أهل مصر على Google News
