ظهر المطرب رامي جمال اليوم برفقة كلا من المطربة أنغام وزوجها الموزع الموسيقي أحمد إبراهيم، ونشرت أنغام صورة اللقاء عبر حسابها الرسمي على موقع تبادل الصور والفيديوهات "إنستجرام".
وعلقت أنغام على الصورة قائلة: "حاليا مجتمعين عند أحمد في الاستديو أنا والملحن والمغني الرائع رامي جمال شغالين في أغنيه ونجاحات جديدة بإذن الله"، ورد عليها رامي جمال في تعليق قائلا: "يوم جميل مع فنانين وأصدقاء قلبهم جميل زيكم وان شاء الله شغلنا سوا يكسر الدنيا شكرًا يا غاليين".
View this post on Instagramحاليا مجتمعين عند أحمد في الاستديو أنا والملحن والمغني الرائع رامي جمال شغالين في أغنيه ونجاحات جديده بإذن الله @ahmedibrahimmusic @ramygamalmusic #انغام #رامي_جمال #احمد_ابراهيم A post shared by Angham (@anghamofficial) on Nov 11, 2019 at 12:34pm PST
وكشف المطرب رامي جمال أمس عن إصابته بهذا المرض من خلال حسابه الشخصي على فيس بوك" قائلا: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".
وواصل قائلا: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".
واكمل قائلا: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".
اقرأ أيضا.. رامي صبري: اتكتب علينا نشوف شتيمتنا ونسكت
واضاف: "لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".
تابعوا آخر أهل مصر على Google News
