أحمد صلاح حسني لـ رامي جمال: "كن قويا وكمل مشوارك كلنا معاك يا حبيبي"

وجه الفنان أحمد صلاح حسني، رسالة إلى المطرب والملحن رامي جمال، بعدما كشف عن إصابته بمرض البهاق، وتفكيره في الاعتزال تجنبا لرد فعل الناس.

اقرأ أيضا.. أول ظهور لرامي جمال بعد إعلان مرضه وأنغام تكشف مفاجأة

وكتب أحمد صلاح، عبر حسابها الشخصي بموقع التواصل الإجتماعي تويتر: "رامي جمال كلنا معاك ممنوع الاعتزال مفيش حد بيختار قدره ولا نصيبه وكلنا معرضين لنفس المصير و كثيرا الناس بتتعرض لمصير أسوأ ... كن قويا وكمل مشوارك كلنا معاك يا حبيبي رامى جمال، لا للاعتزال".

رامي جمال كلنا معاك ممنوع الاعتزال مفيش حد بيختار قدره ولا نصيبه وكلنا معرضين لنفس المصير و كثيرا الناس بتتعرض لمصير أسوأ ... كن قويا وكمل مشوارك كلنا معاك يا حبيبي #رامى_جمال #لا_للاعتزال— Ahmed Salah Hosny / احمد صلاح حسني (@AhmedSalahhosny) November 12, 2019

وكشف المطرب رامي جمال، عن إصابته بهذا المرض من خلال حسابه الشخصي على فيس بوك" قائلا: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".

وواصل قائلا: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".

واكمل قائلا: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".

واضاف: "لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".