قال الرئيس عبد الفتاح السيسي، خلال افتتاح عدد من المشروعات القومية بمحافظتى بورسعيد وشمال سيناء وعلى رأسها أنفاق بورسعيد اليوم الثلاثاء، إنه يعتمد في حديثه للمصريين على الصراحة.
وأضاف: "احنا حبينا منخليش راجل ست طفل حد كبير في السن، محتاج علاج مكلف ونسيبه، وبالتالي احنا مستنيين، طبقا للتخطيط للتأمين الصحي الشامل فاحنا محتاجين سنوات فقلنا نبدأ بالمبادرات، فيروس سي الضغط والسكر والسمنة، والأمر ماشي، لما لقينا حد عنده سكر قلناله إنه عنده سكر وبنتصدى للحالات، ثم دخلنا على ولادنا في الجامعة، وفي الجامعة والشباب اللي هما في ثانوي عشان لوحد مريض يتم علاجه، وانا بقترح في كل دخول للعام الدراسي كل سنة يتم إجراء فحص قبل دخول الجامعة أو المدرسة، نفحص عن فيروس سي، بس هتتحمل الاسرة التكلفة هنا، هتكلف كام يعني 20 جنيه".
السيسي خلال افتتاح مشروعات بورسعيد وسيناء
وأضاف: "الاشتراكات التي سيتم دفعها في جزء منها على المواطن، الكلام ده مفيش رئيس بيقوله، بيخلي الكلام السيء للمسئولين وبيتكلم هو في الحاجات الإيجابية والكويسة بس، لكن انا اتفقت معاكم على الصراحة، وأنا هتحاسب قدام ربنا على كل كلمة بقولها، الدولة ملتزمة، لن ينجح الموضوع ده في مصر إلا طبقا للأساس اللي أنشأناه عليه، لازم تدفع اشتراكك".
تابعوا آخر أهل مصر على Google News
