السيسي يعلن انطلاق منظومة التأمين الصحى الشامل بمصر: احنا بنعمل حاجة لأول مرة

كتب :

أعلن الرئيس عبد الفتاح السيسي، اليوم الثلاثاء، عن إطلاق منظومة التأمين الصحى الشامل بمصر، وخلال كلمة له في افتتاح عدد من المشروعات القومية بمحافظتى بورسعيد وشمال سيناء وعلى رأسها أنفاق بورسعيد، قال "السيسي"، إن نجاح المشروعات الصحية يعتمد على التزام الدولة والمواطن.

وأضاف: "خلال الأربعين السنة اللي فاتت، مشاريع الدولتة في الصحة منجحتش لأن المخطط التي كانت تضعه الدولة يتعثر بسبب الفلوس، انت ممكن تقعد عمرك متحتاجش للتأمين الصحي الشامل، لكن مرة واحدة قد تحتاج إلى علاج، الموضوع تكافلي، بيدفع القادر وغير القادر، لازم أسجل ده للتاريخ، عشان بعد كام سنة محدش يقول إن المشروع باظ ومكملش.

افتتاح مشروعات بورسعيد وسيناء

وتابع: أنا كل موضوع بنتكلم فيه بنتكلم على أساس نجاحه، المشروع مش هينجح غير كدة، المواطن يتحمل جزء، والدولة الجزء الآخر، عشان ممكن حد يروح مستشفى في بورسعيد مثلا وميكونش معاه فلوس، فيصور نفسه على فيس بوك والحق مفيش فلوس والناس تسيء للأمر قبل إطلاقه، احنا بنعمل موضوع لأول مرة، وهتظهر حاجات فسنتصدى لها، ساعدونا اننا كدولة إذا خططت لأمر يظهر أنها قادرة على تحقيقه، الكلام ده مفيش رئيس هيقوله".