أكد الرئيس عبد الفتاح السيسى، حرص الدول فى هذه المرحلة على التركيز على قطاعى الصحة والتعليم ما يستدعى التزام الدولة بما يقع على كاهلها في هذا الإطار، مشيرًا إلى أن فشل المشروعات الصحية خلال الـ40 عامًا الماضية كان بسبب التعثر في الأموال، موضحًا خلال افتتاح عدد من المشروعات بنطاق محافظتي بورسعيد وشمال سيناء اليوم الثلاثاء.
وقال الرئيس: "خلال الأربعين السنة اللي فاتت، مشاريع الدولة في الصحة منجحتش لأن المخطط التي كانت تضعه الدولة يتعثر بسبب الفلوس، انت ممكن تقعد عمرك متحتاجش للتأمين الصحي الشامل، لكن مرة واحدة قد تحتاج إلى علاج، الموضوع تكافلي، بيدفع القادر وغير القادر، لازم أسجل ليكم ده وللتاريخ، عشان بعد كام سنة محدش يقول إن المشروع باظ ومكملش.
افتتاح عدد من المشروعات بنطاق محافظتي بورسعيد وشمال سيناء
وتابع: أنا كل موضوع بنتكلم فيه بنتكلم على اساس نجاحه، المشروع مش هينجح غير كدة، المواطن يتحمل جزء، والدولة الجزء الاخر، عشان ممكن حد يروح مستشفى في بورسعيد مثلا وميكونش معاه فلوس، فيصور نفسه على فيس بوك والحق مفيش فلوس والناس تسيء للأمر قبل إطلاقه، احنا بنعمل موضوع لأول مرة، وهتظهر حاجات فسنتصدى لها، ساعدونا اننا احنا كدولة اذا خططت لأمر يظهر أنها قادرة على تحقيقه، الكلام ده مفيش رئيس هيقوله".
تابعوا آخر أهل مصر على Google News
