كشفت الفنانة عفاف شعيب عما قاله لها الشيخ محمد متولي الشعراوي بعدما ارتدت الحجاب وترددها من وجود إثم مع ارتدائه بالتمثيل قائلة: "أنا لما رجعت من أمريكا وتوفت أمي لقيت المخرجين بيطلبوني علشان أرجع أمثل بالحجاب فسألت الحاجة ياسيمن الخيام، فخدتني وروحنا للشيخ متولي الشعراوي".
وأضافت عفاف شعيب خلال لقائها ببرنامج "تحيا الستات"، مع الإعلامية راغدة شلهوب، المذاع على فضائية "النهار": "أول ما قابلته قالي وماله يا بنتي ياسلام عليكي وإنتي في مسلسل الشهد والدموع ورابطة الربطة دي وطالعة بتقولي كلمة كويسة لولادك وبتعلمي الناس اطلعي لازم يكون فيه ده وفيه ده خليكي متواجدة إيه اللي يمنع وقالي انزلي التمثيل".
وتابعت: "والشيخ عطية صقر سألته أنا خايفة قالي مثلي يابنتي طالما بتقولي كلمة كويسة وبالحجاب إيه اللي يمنع".
وفي نفس الصدد، علقت الفنانة عفاف شعيب، على قرار الفنانة حلا شيحة بخلع الحجاب والعودة إلى التمثيل مرة أخرى بعد غياب استمر 13 عاما، وذلك خلال حلولها ضيفة على الاعلامية رغدة شلهوب في برنامجها "تحيا الستات"، المذاع عبر قناة "النهار".
وقالت عفاف شعيب: "حلا شيحة حالة خاصة ربنا يردها ردا جميلا خلعت بس تلتزم باللباس بتاعها انتي دوقتي طعم الطاعة ودوقتي يعني ايه التزام وعرفتي فالتزمي بحدود معينة".
وتابعت "شعيب" كلامها قائلة: "فمينفعش يبقي كدا مرة واحدة.. ده اللي اتقالي مشفتش بس سمعت"، في اشارة منها إلى ظهور حلا شيحة بملابس غير لائقة بعد خلع الحجاب.
تابعوا آخر أهل مصر على Google News
