تطورات الحالة الصحية لشيما الحاج

طمأنت الفنانة شيما الحاج جمهورها على حالتها الصحية، بعد مرورها بوعكة صحية خلال الأيام الماضية، وقالت شيما الحاج لمتابعيها عبر حسابها على موقع الصور والفيديوهات "إنستجرام": "انا عايزة اشكركم واحد واحد اقولكوا ربنا يحفظكم جميعا شكرا بجد من قلبي على كل اللي بعتلي، كلامكوا فرق معايا شكرا انكوا اطمنتوا عليا، انا الحمد لله بخير".

شيما الحاج

وتابعت شيما الحاج قائلة: "كل اللي حصل معايا ان عربيتي لما عطلت على طريق مصر السويس في الحتة دي فيها إصلاحات ورمل كتير وعفرا، فكل ده خدتو على صدري واستنشقته فأدي لإجهاد حاد في القصبات الهوائية وانا من الناس اللي جسمها حساس في أي حاجة شكرا بجد ربنا يخليكوا ليا ويحفظكم".

واختتمت قائلة: "طلب صغير، انا بتمنى من كل اللي عندي ياريت محدش يبعتلي حجات بتتكتب على لساني أو بتتقال على لساني أو مواقع بتنزل حاجة، انا مبردش ومش هرد اللي عايز يكتب يكتب اللي يسمع يسمع، أي كلمة بتتقال علي لساني مش هتتقال غير عبر صفحتي الشخصية فقط".

مهرجان القاهرة السينمائي

وحضرت شيما الحاج منذ عدة أيام، افتتاح فعاليات مهرجان القاهرة السينمائي، في دورته الـ41 التي افتتحت يوم 20 نوفمبر الماضي، حاليا بدار الأوبرا المصرية، وانتهت فعاليات المهرجان يوم الجمعة الماضي.

اقرأ أيضا.. أول ظهور لـ شيما الحاج في مهرجان القاهرة بعد خروجها من السجن (صور)

وجاء ظهور شيما الحاج في مهرجان القاهرة، بمثابة الظهور الأول لها في المناسبات الفنية، بعد خروجها من السجن منذ عدة أشهر على خلفية القضية التي اتهمت فيها بالتحريض على الفسق ونشر فيديو فاضح مع مخرج شهير.