رامي جمال يحكي لـ إسعاد يونس رحلة مرضه منذ البداية (فيديو)

كتب : إسماعيل فارس

روى النجم رامي جمال خلال حلوله ضيفا على الفنانة إسعاد يونس، في برنامجها "صاحبة السعادة" المذاع عبر قناة "دي ام سي"، كواليس رحلة مرضه وإصابته بـ "البهاق" الذي أصيب به مؤخرا.

مرض رامي جمال

وقال رامي جمال عن مرضه: "القصة دي عندي بقالها 4 سنين بس كانت صغيرة جدا مش باينة، بدأت نقط صغيرة تبان في أيدي صغيرة جدا، الاول روحت لدكتور قولت جايز تبقى اي حاجة واخدلها دوا، قالي للاسف والله بهاق بس نقدر نحجمه".

وتابع رامي جمال قائلا: "وفعلا قعدت 4 سنين غيرت 20 نوع دوا و 20 دكتور وكلهم تكرموا عليا بصبرهم معايا الطويل، جه فوقت من 4 او 5 شهور بقت النقط شوية سريعة فالانتشار وبتكبر، القصة مضطر اتابعها يوميا بتكبر هنعمل ايه".

وواصل "جمال" قائلا: "وللاسف كنت شايفها بتضلم وكل مقابل حد يقولي يا رامي خلي بالك بدات تبان شوف حاجة، حظي الحلو اني كنت متخيل أن الموضوع هيبقى سبب أني اسيب الشغلانة بس شفت كل القلوب حلوة، وكل اللي بسمعه مفيش مشكله عايزينك تكمل عايزين مزيكتك".

وكان المطرب رامي جمال، كشف منذ عدة أسابيع، عن إصابته بمرض البهاق، وتفكيره في اعتزال الغناء تجنبا لرد فعل الناس، لكن الحب الذي شهده من الجميع والتضامن والمساندة له جعلته يتراجع عن قراره.